الى رئيس تحرير مجلة الگاردينيا

التفاصيل

تم إنشاءه بتاريخ الأحد, 16 شباط/فبراير 2014 21:26

خالدة بابان

تحية طيبة لكل كتاب وقراء الگاردينيا العزيزة:::
رداً على كلمة الاستاذ جلال چرمگا حول عدم جدوى الكتابة عما يدور في العراق من أوضاع شاذة وغير طبيعية ، أود ان يكون ردي كلمات للشاعر رحيم المالكي (رحمه الله).

بعد ان عجزنا عن مخاطبة الشرفاء لحل ما يدور في العراق، إضطررنا لمخاطبة غير الشرفاء :::
(( رسالة للدكتورة حسنة ملص ))

ياهو المنچ أشرف خاطرأشكيله ........
دليني يا حسنة وباچر أمشي له.......
أمشيله وأحچي كل الحچي المضموم..
گبل حفاي گالوا.. هسه ماكو هدوم....
بيتي من القنابل والقصف مهدوم......
وحكومة بلا حكومة بغير تشكيلة.......
تنازع على الكراسي والشعب حفاي..
وأبشرچ لا غذاء لا كهرباء لا ماي.....
أحنا اهل النفط.. والكاك عد زلماي....
يا حسنة الحكومة تگدر أتشيله؟؟؟؟؟؟

حكومتنا الرشيدة لييش ها التأجيل؟؟
أي مو مُطرت علينا من السما سجيل..
بلوة ابتلينا قابل إحنا أهل الفيل !!!!!!!
أي مو هذا أبرهة خلّوه يرد فيله.........
جوعنا أبرهة وجوع أبو الكفار..........
سنين وسنين أسمع.. ما أشوف إعمار..( مع الاعتذار للتعديل ، المذكور في القصيدة ثلث سنين)
بس بعض الحكومة أصبحت تجّار......
بهاي أشهد يا حسنة بيوم وليلة.........

تجّار الحكومة والشعب حمّال ..........
يا هو اليجي باچر نغير الحال.........
من هايه السوالف حمّلنا إجمال ......
إذا إنعدل وضعه.. ينعدل ذيله.........
حكومتنا الرشيدة لييش هذا البوگ ؟؟
تره لهذا الشعب قط ما تضيع أحگوگ..
باچر بإنتفاضة إنشُگ كثير احلوگ.....
عرفنا الباگنه ... ونعرف أليوميله.........