كافي (حماس)

التفاصيل

تم إنشاءه بتاريخ الإثنين, 14 نيسان/أبريل 2025 15:23

كتب بواسطة: ميسون نعيم الرومي

ميسون نعيم الرومي

كافي (حماس)

كافي (حماس) اشسويتي
انطيهم اسراهم ..
خلصي الناس
كلما تتأخرتصعب
غالي الثمن اوحساس
***
للشوره السوده اسمعتي
مصيبه اچبيره ما تنقاس
ابعش الزنبور ادخلتي
خدعوچ اوسدوّ بالترباس
***
غزه الحلوه يام الخير
مدفن صارت للناس
داسته الدبابات انهجمت
ارضچ غزه الماتنداس
***
الموت امخيم يطحن
والجثث انثرت اجناس
واطفال اهوايه اتيتمت
بالشارع تاهت الاغراس
***
كافي حماس او كافي
لاجل الأطفال الچنهم ياس
الام المسكينه اتعزت
رادت تفرح بالاعراس
***
كافي حماس او كافي
راحت غزه الحد الساس
لجل الاطفال اتشردت
لجل الشبان البلاكياس
انطيهم اسراهم كافي
حسبيهه او فكري بالناس
فكري بالناس
---------------
الســـويد
14 / نيسان / 2025