حچايات بالعراقي!!! / حچايتي وية القماشات والخياطين!!!

التفاصيل

تم إنشاءه بتاريخ الخميس, 25 نيسان/أبريل 2013 09:52

                              ليث رؤف حسن

حچايات بالعراقي!!/حچايتي وية القماشات والخياطين!!!

                              
 
طِلْعَتْ آخِر زِمَان قَوانَة إبرَاسي , ألبس دشداشة وزبون وصَايَة!!..

رِحِتْ لسوگ البَزَّازيْن وشِفِت ذاك القماش الشَعْرِي , إيْخَبُّل. أخذت لي بَتِّتَيْنْ من الحجي عباس مشيت رِكِض ما مصدگ حالي للأُصطَة محسن الخياط. لَك دَاد لا شَافَت عيونك!!! وگَّفْني!!! وگعَّدْني !!! ولَفْلَف مِن حَوَاليَّ !!! وأخذلي ذاك الأُوْلچي وگال لي تعال بعد يومين راح تلاگي الزِّبون والصَاية جاهزين. وما أطَوِّلها عليكُم!!! فات السبوع وآني طاير رحت لدكَّان الأسطة محسن فتح الكبنگ وخَشِّيت المحل وياه !!! وعينك لا شافت حطيت الزبون والصاية عليَّ وأباوع بالمراية وشأشوفلك!! عيني خُلفَة عبالك چِفَنْ مو صاية. لك عيني أسطة محسن هاي شسويت بالقماش ؟؟ حتى الحياصة إتْلَعِّب النفس چنها خيط سوتلي و شَادَّه عالخصر!! ذبيت الهدوم ورحت گُبَلْ لمحل خياط القوط مهلهل, وشفت عنده ذاك القماش البهاري گِلِتْلَه فصِّلَلي قاط بعد ما أسوِّي صاية وأريد أصير أفندي باش بُزُغ!! وما أطوِّل السالفة عليكم أكثر, تعال وشوف شلون لايِگ عليَّ ويا البايمباغ واليَلَگْ الشَعْرِي. وأشوفكم بالحلقة الجاية ويَّة سالوفة ثانية.

وأترك لكم ترجمة الكلمات العراقية!!!

الگاردينيا: الأخ العزيز / ليث رؤف.. نورتم حدائقنا.. ننتظر جديدكم..