البس سـدارَه اتـبـَـغـدَد

ميسون نعيم الرومي

البس سـدارَه اتـبـَـغـدَد

إلـبـَـس سـدارَه اتـبـَـغـدَد – إسـمـَـك ابـگـَـلـبـي امـوَرّد

مـَـغـرور عـيـنـي ابـمـَـشـيـتَـك – وَرْدَك زهـَـر واتـجـَـمـبـَـد

ريـحـة مـسـچ والـعـنـبـَـر

لبـس الـسـدارَه امـعـَـتـبـَـر

كـافي دَلـَـع لاتـغـتـَـر

مـَـيـلـوگلـَـك لا والـنـَـبـي – حـبـَّـك ابـروحـي اتـجـَـدَّد

إلـبـَـس سـدارَه اتـبـَـغـدَد

***

بـَـغـداد كـظـمـاوي اوفـَـضل – كـَـرخـي اورصافـي امـن الأصل

لاتـگـطـَـع ابـحـَـبـل الـوَصل – اسـدارتـَـك تـكـتـل كـَـتـل

طـولـَـك يـغـصن الـرمـّـان

بـيـن الـوَرد والـريـحـان

تـفـاح خـَـدَّك مـرجـان

وديـت الـك فـَـد مـرسـال – أنـتـظـر مـن عـنـدَك رَدّ

إلـبـَـس سـدارَه اتـبـَـغـدَد

***

كـَـرّادي يـالـدَمـَّـك عـَـسـَـل – يـحـلـَـه الـغـَـزَل مـنـَّـك بـيـك

يـابـو الـسـدارَه يـاحـلـو – زَعـلان مـتـگـُـلـّـي اشـبـيـك

ويـانـَـه تـحـچـي امـعـَـلـَّـگ

جـَـمـر الـعـشـگ هـالـيـحـرگ

مـَـغـرور.. بـالـحـب تـغـرَگ

هـنـيـال كـلـمـَـن شـافـك – عـيـنـَـك ابـعـيـنـَـه اومـا صـَـدّ

إلـبـَـس سـدارَه اتـبـَـغـدَد

--------------
ســـــــــــــتوكهولم

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

633 زائر، ولايوجد أعضاء داخل الموقع