زنـّـوبـَـه العـوبـَـه

ميسون نعيم الرومي



زنـّـوبـَـه العـوبـَـه

 

زنـّـوبـَـه اويا زنـّـوبـَـه – وين افـلوس المنهوبـَه؟
اشهادات امزوره اومكتوبه – حطوهه ابإيـد العوبـَه
زنـوبه خاله اتهدي
كافي اوبسچ گعدي
مـَـتـرين السـانچ .. ردي !
(انعالات اسلاحچ وابطاله)* –لاصوره اولا چرچوبه
وين افـلوس المنهوبـَه
نـاويـن اتـردّون النـوبـَه ؟
زنـّـوبـَـه اويا زنـّـوبـَـه
***
ملاّيـَـه  اوچـنـتي اتـگـوليـن – رغـفـان الخبـز اتخبـزيـن
احليـب اوروبه اتروبين – اشجابچ للمجلس تحچـيـن ؟
بغداد بنت المنصور
بنت العلم اوبنت النور
بيهه المرأه چن بـنـّـور
ملفـَوفه جيتي اتهـبعيـن – جوعـّـتوْ الشعب الطيبين
ياشعبي ويـن الحوبه ؟
زنـّـوبـَـه اويا زنـّـوبـَـه
وين افـلوس المنهوبـَه
***
-(تـتـلمـَّـظ) زنوبه اليوم – بالكرسي تحلم واتدوم
ذليتـوْ الشعب المـَظوم – امحسر دومه اومعـدوم
ياشعبي اصحه اواحذر !
بالإصبع لا تطمغ .. فكـّر!
باعـوْ ارضك والأنهر
جوگة غـربان اوبـوم – نـهـبـوْ ثرواتك بالكوم
زنـّـوبـَـه اويا زنـّـوبـَـه
بالشعب العبتـوْ الطوبه
وين افـلوس المنهوبـَه
 زنـّـوبـَـه اويا زنـّـوبـَـه
--------------------
*(انعالات اسلاحچ وابطاله):- لقد شاهد الجميع الفديوات
 التي صورت الشجار في مجلس النواب وهجوم (النايبات) بالأحذية وقناني الماء
-----------
ســــــــــــــتوكهولم
شـــــــــــباط / 2017

الأبراج وتفسير الأحلام

المتواجدون حاليا

500 زائر، ولايوجد أعضاء داخل الموقع