مـَـرَض السـَـرَطـان

التفاصيل

تم إنشاءه بتاريخ الإثنين, 01 آب/أغسطس 2016 18:49

كتب بواسطة: ميسون نعيم الرومي

ميسون نعيم الرومي

مـَـرَض السـَـرَطـان

غــَـدّار يـفـْـتـِـك بـالـنـاس
 
لايـنـْحـِـزر..لايـنـْـشـــاف
 
بـهـْـداي شـغـْـلـَه اوبـسـْـكـوت
جـَـرْحـَه أبـَـد ما يــنـْـراف
 
غـَـشـّـاش ! شـغـْـلـَه ابـلا حـِس
گـَـلـْـبـَـه قـَـوي..ابـلا انـصاف
 
يـاخـِـذ ايـنـَگــّي بـالـكـيـف
لا عـُـمـُـر هـَـمـَّـه اولاخـاف
 
يـغـْـزو غـَـفـل مـَـدْري اشـلـون
كـل الخـَـلايـا .. اوما عـاف
 
حـَـظــَّـه بـخـيـت الحـَـس بـيـه
يـشـرْد .. اوعـَـنـَّـه يـلـْـتـاف
 
أطـفـال يـَـتــَّـم بـالـكـوم
اصوابـَـه كـَـلـِـف ما يـنـْلاف
 
انـفـايـات ضربـونـَه اولـيـش؟
اثـگـيـل مـِـنـَّـه واخـْـفـاف
 
(امخـَضـَّـب) ايـشـِـع اوبـالجـِسـم
(يـورانـيـوم) الـتـَـلاّف
 
اعـراقي اوتـِسـَـرْطـَن يـاحيـف
اسـنـيـن مـلـيـون او  آلآف
 
شـَـعـْـبي يـعـْراقي الـمـسـكـيـن
ذبـحـوك ذولـَه الأجـْـلاف
 
لاظـَل زَرِع لاظـَل ضَرِع
إرماد صرْنـَـه اونـِـتــّـاف
 
يـاشـَـعـَـب انـهـَـض..لـَـتـْـنـام!
نـوم الـكـَهـَـف منـَّـه انخـاف
 
ويـنـَه الـيجي مـو مـَـدْسـوس ؟
مـن الـشـَـعـَـب .. وابـن اشـراف
 
يـنـْـقـذ شـَـعـَـبـْـنـَه امن الجـور
مخـْـلـص اوماعـنـْـدَه احـْلاف!
 
مخـْـلـص اوماعـنـْـدَه احـْلاف!
-----------
آب / 2016
ســـــتوكهولم

الگاردينيا: الشاعرة الرائعة / ميسون نعيم الرومي: