عتاب ....

التفاصيل

تم إنشاءه بتاريخ الأحد, 07 حزيران/يونيو 2015 16:21

كتب بواسطة: نضال الحار

نضال الحار

غربة روح مابيه الفرح مسموح
لادمعه التريح الحال بس حسرات
بكل كتره الكلب مجروح
ومن أضحك جذب ظاهر على الوجنات
كلش أمبين ومفضوح
ليل طويل ومعارك أنا ويه الاه
لاتكدر تعيش هناك لاتكدر تعيش هنا
لاطارش يسر البال
لانسمة أمل
ياحلم البيدينا مات ضيعناه
من صح الوكت ومدنه أيده ذراع
تحزمنا عليه وحيل لاويناه
ومن طلعت شمس
والضوه صار شراع
غمضنه الجفون وكلنا ماشفناه
ومن صار الدرب عنا بس خطوات
ردينا لوره وصحنا مانلكاه
ومن راد النخل يفي ظله الكاع
شّلعنا السعف والرطب كطعناه
ومن صار العنب أبين أدينا أشكال
ردينا السلال وكلنا مالحناه
ولاتكولون حضنا والله رايد هيج
كل الي حصل بأيدينا سويناه