بـَـسـَّـــك ياقـَـــــلـَـم

التفاصيل

تم إنشاءه بتاريخ الجمعة, 30 كانون2/يناير 2015 11:36

كتب بواسطة: ميسون نعيم الرّومي

ميسون نعيم الرّومي

بـَـسـَّـــك ياقـَـــــلـَـم

يـاخـذنـي الحـِــلم للشـــاطي يـم دجـلـَــــه
تـِذوب الروح كـلـهـَـه ابـدهـلـِـتـَـه اوطـيـنـَـه
 
يـاخـذنـي الحـِــلم والـنـّـوب يـاخـذنـي
الغـابـات النـَـخـَـل والگـمـَــر يـغـويـنـَـه
 
للكـَـرخ اورصافـَـه اوللجـسر صوبـيـن
عـلى ( بـَـغـداد ) حاراتـَـه اودَرابـيـنـَـه
 
أنـواع الوَرد والرازقـــي اوقـِـدّاحْ
حِـضَن شـَـبـوي جوري اتـضَلـِلـَه التـيـنـَه
 
لتـراب الوَطـَـن والگـاع مـَمـْطورَه
النـَـسـْمات الصُبـِـح والريـحَه تـرْويـنـَه
 
يـاخـذنـي الحـــلم كـل يـوم يـاخـذنـي
نِـشـتـاگ اونحـن والغـربـَه تـسبـيـنـَه
 
للجـورَه العـَـزيـزَه للصُحـبـَه للخِلّانْ
عَ الذكـرى الحـَـبـيـبـَـه انـموت تحيـنـَه
 
للنـَـوّاس واشـمَحـْـلـَه الهـوَه اعـذيـبي
وانـجـوم السِـمَه التـضحَـك تـناغـيـنـَه
 
يـفـَـززني الحـلم والحـلم چـَـن چـَـذّابْ
يامِحـْـنـَـة شـَـعـَـب بالگـَـلب تـچـويـنـَه
 
يافـَـرحَه الگـصيـرَه الأبـَـد مادامَـت
هالواقـع مَـريـر اودوم ســابـيـنـَـه
 
ياعـمر الگـِـضَه بالحـلم نـتـرَجّـاه
نـلاوي بالوَكـِـت والوَكـِـت يـلويـنـَه
 
حـكـّام الإجـَـت لـَـملوم مَـدري امنـيـن
متـقـَـصدَه الخـَـراب اتـريـد تـاذيـنـَـه
 
نِـهـران الدَمـع عَ الوَجـن صَبْ اوسـالْ
نـنـْحـَـب كـل وَكـِـت والقـَـدَر باليـنـَه
 
أرد ازعـَـل عـَـليـَـك اوياقـَـلـَـم بـسـَّـكْ
صوچـَـك ياقـَـلـَـم حالـِـف تـبـَـچـَّـيـنـَه
 
يـاخـذنـي الحـِــلم للشـــاطي يـم دجـلـَــــه
تـِذوب الروح كـلـهـَـه ابـدهـلـِـتـَـه اوطـيـنـَـه

كانون الثاني / 2015
ســـــتوكهولم