امنين اجـَـتْ لـَـمـريكـَـه حـنـيـّه

ميسون نعيم الرومي

أسـألكـمْ سـؤالْ اوصافـيـه النـيـّة
گـولو امنين اجـَـتْ لـَـمـريكـَـه حـنـيـّه
 
أمـريكـَـه يـناسْ اوصارَتْ النـاصحْ
الداعـِشْ تـريـدْ اتـكاتـلْ اتـبـاطـحْ
رأي كـلْ الشـعـوبْ اويـبـقـَـه هالراجـحْ
 
أمـريكـَـه ارسـمـَـتْ للوَطـَـنْ تـاليـَّـه
گـولو امنين اجـَـتْ لـَـمـريكـَـه حـنـيـّه
***
إتـقـَـسـّـمْ دوَلنـَـه اوبـيـهـَـه هالتـغـدرْ
عـلى الثـرواتْ تـبـقـَـه اودومـهـَـه اتـدَوّرْ
أمْـريـكـَـه الوَطـَـنـَّـه اتـقـَـسـّـمْ اتـهـَـجـرْ
 
شـيـعـيـَّه الفـرقْ وآلآفْ سـنـيـّـه
گـولو امنين اجـَـتْ لـَـمـريكـَـه حـنـيـّه
***
أمـريكـَـه إخـلقـَـتْ للعـالـَـمْ ابـداعـشْ
اولادنْ إبـنـَه الصارْ عَ الهـامـِـشْ
على نـَـفـط الخـَـلـَـگْ واعـيونـهـَـه اتـرامـشْ
 
لعـبـتْ ليـشْ بـيـنـَـه أمـريـكـَـه چـوبـيـَّـه
گـولو امنين اجـَـتْ لـَـمـريكـَـه حـنـيـّه
***
أمـريكـَـه اوتـصيـرْ إعـْـلـَـه الدولْ قـَـيـّـمْ
تـوعِـظ بالقـيـمْ تـنـْـشـرهـَـه واتـعـَـمـّـمْ
مـَـكـشـوفـَـه الخـطـَـط للمـَـنـطـقـَـه امـْـصَمّـَـمْ
 
أمـريكـَـه بـنـَـتْ تـمـثـالْ حـريـه...!!
گـولو امنين اجـَـتْ لـَـمـريكـَـه حـنـيـّه
***
أمـريكـَـه إصـنـعـَـتْ كـومـَـة حـَـرامـيـه
مـليـارات بـوربـَّـه سـَـبـع مـيـَّه
اللگـمـَـه عـَـليـَـهـمْ حـَـسـرَه ليـليـّه
 
إتـسـَـيـدَوْ عـَـليـنـَـه هالأفـَـنـديـّه
گـولو امنين اجـَـتْ لـَـمـريكـَـه حـنـيـّه
***
خـانـوه البـَـلـَـدْ والريـحـَـه هالفـاحـَـتْ
مـَـقـبـوض الثـَـمـَـنْ والمـوصلْ انـبـاعـَـتْ
مـَـراقـِـدْ أنـبـيـَـه انـدرسـَـتْ انـداسـَـتْ
 
حـوبـَـتهمْ الشـارَه إتـبـَـيـّـنْ ابـمـيـّـه
گـولو امنين اجـَـتْ لـَـمـريكـَـه حـنـيـّه
***
شـَـعـَـبْ اومـلتـهي باللطـمْ والتـَـطـبـيـرْ
مـَـظـلومْ الحـسـَـيـن اوثـارْ عَ التـَـكـفـيـرْ
أفـكارَه عـلـَـتْ بالعـَـمـَـلْ والتـَـنـويـرْ
 
ياثـَـورَة احسـيـنْ البـقـَـتْ ثـَـوريـّه
گـولو امنين اجـَـتْ لـَـمـريكـَـه حـنـيـّه
***
حـسـينْ اويـريـدْ النـاسْ كـلهـَـه اتـثورْ
واتصير العقيده الناس بيهه النور
شـَـوَهتـو الديانـَـه بالسـَـبي والحور
 
واحـسـيـنْ ابن حيدر ابن علويـّه
گـولو امنين اجـَتْ لـَـمـريكـَـه حـنـيـّه
***
احسين اويريد الناس تتبع شرعته وانهجه
يمحي الظلم عنهم خطب يترجه
لايقبل عذر لارده لاحجه
 
ابهذا الكون ثاراحسين ما يقبل اللطميه
 
أسـألكـمْ سـؤالْ اوصافـيـه النـيـّة
گـولو امنين اجـَتْ لـَـمـريكـَـه حـنـيـّه

نوفمبر / 2014
ســـــــــتوكهولم

الأبراج وتفسير الأحلام

المتواجدون حاليا

535 زائر، ولايوجد أعضاء داخل الموقع