الگاردينيا - مجلة ثقافية عامة - رَصـْـعـَـة جـَـمـالْ

رَصـْـعـَـة جـَـمـالْ

التفاصيل: تم إنشاءه بتاريخ السبت, 08 تشرين2/نوفمبر 2014 12:42; كتب بواسطة: ميسون نعيم الرّومي

ميسون نعيم الرومي

يا حـَـلاتـَـكْ أحـْـلـَـه مـنْ دَمـْـعْ الرطـَـبْ
يارَصـْـعـَـة جـَـمـالْ اوتـِـضوي عَ الخـَـديـَـنْ

يانـَـجـْـمـَـه اوتـِـلالي وَسـَـط نـَـجـمْ اسـْـمـاكْ
احـْـتـارْ الوَصفْ بالحـسـنْ والتـَـكويـنْ

ياكـِـحـْـلـَـه التـكـَـحّـلْ رمـشْ بـيـنْ اجـْـفـونْ
واتـبوس الشـفـايـفْ عـيَـنْ تـخـْـزرْ عـيـَـنْ

ياريحة بـَـنـَـفـْـسَـجْ جـوري ويـَّه الهـَيـَـلْ
يـَـمـعـَـدَّلْ ابـوَصـْـفـَـكْ ياتـَـرفْ يازيـَـنْ

يانـَـغـْـمـَـة ربابـَـه اوعـَـزفْ گالـَـه النـاي
يانـَـشـْـغـَـة البـرحـي اوحـزنْ دَمـعْ التـيـنْ

يانـَـخـْـلـَـة وفـْـه للوفـَـه اوشـجـْـرَة طـيـبْ
يالمالـَـكْ شـبـيـه ابـيـَـنْ كلْ اثـنـيـَـنْ

يامـلحْ الحـَـياة اوزيـنـَـة الأيامْ
يافـَـرْحـَـة عـمـرْ والفـَـرَحْ مـاشـي الويـَـنْ

سـبـّـاحْ الگـَـلـبْ و الگــَـلـبْ بيكْ احْـتـارْ
يـحـْـسـبْ بالليـالي اوْيـعـدْ بـيـهـَـه اسـْـنـيـنْ

مثـْـلْ نـَـسْـمـَـه اوتـمـرْ واتـغـازلْ الصفـصافْ
ياروجـَـه اوتـمـرْ واتـضيـعْ عَ الشـَـطـيـَـنْ

ابـْـزَحـْـمَـة عـمـرْ يـمـشـي اويمـرْ بـَـسـْـكـوتْ
بـَـتْ امـنْ الگـَـلبْ يـنـْـدافْ وَيـَّـه الطـيـنْ

ياجـَـرحْ البـروحـي اوألفْ جـَـرحْ ايـصيـحْ
خـَـزَّنْ مـنْ زمـانْ او رمـْـدَنْ العـيـَـنـيـَـنْ

يا حـَـلاتـَـكْ أحـْـلـَـه مـنْ دَمـْـعْ الرطـَـبْ
يارَصـْـعـَـة جـَـمـالْ اوتـِـضوي عَ الخـَـديـَـنْ