هـَـلـْـهــولـَـه اوصار الـتغـْـيـيــر

 

ميـــسون نعيم الـرّومي

يـَــمـْـبـَـشـّـِــرْ بـَـشـّـرْ بالخـيـَـرْ
هـَـلهـُــولـَه اوصارْ الـتـَـغــيـيــرْ
افـْـرحْـنـَـه اوبالخـيـَـرْ الجانـَــه
شـوكـَـه انـْـصيـرْ .. ابْعـيَـنْ اعـْـدانـَه
صَدَّگـْـنـَه .. اومانـدْري اشـْـجـانـَـه
امـْـن البَحـرْ اونِــشـرَبْ.. ودّانــَـه
طيـبَـتـنـَه .. الصارَتْ بـَـلوانـَــه
نـتــْـقـَـشـْـمَـرْ وانـْسَـلمَه الحانــَــه
حِـزبْ الواحـدْ .. چَـنـَّـه انـْـسـيـَـنـَه ؟
اكـْـتابْ امْبـَـيـنْ مـنْ عـنـْـوانـَـه
خـيـَـراتْ .. الولـدَه اونـسْـوانـَـه
سـيـَـلْ ايـغـَـرّگْ .. هـذا الجانـَـه
شـطارْ.. اوبـَـسـكـمْ تـَـبـْـريـرْ
هـَـلهـولـَـه اوصارْ التـَغـيـيـرْ

رَيـسْ اوزارَه .. رَيـسْ الـدَولـَـه
نـوّابْ اتـْـلاثـــَـه ايـحـيـطـونـَـه
كـلْ واحـدْ .. جـامـعْـلـَه اعْـصابَـه
راتـبْ خالـنِـدْفـَعْ لحْـسابـَـه
واحْـمايـَـتـْهـمْ .. والله اطـْلابَـه
صارْ الـبـوگْ .. العـدْنـَه ارْبابَـه
الدَرسْ احـْـفـَـظـْـنـاه .. اوأسْـبابَـه
يـا يـابَـه اويـابـويـَه اويـابـَه
والخـَـزْنـَـه اتـْـريـدْ التـَـفـْـسـيـرْ
 هـالفـرْغـَـتْ  ! للجـيـَـبْ اتـْطـيـرْ
شـَـعـْـبْ امْعـَـلـَّـمْ .. سَـهـْـمَه اشـْـعـيـرْ
دَوْلـَـتـْـنـَـه اوغـِـرْگـَـتْ بـالـبـيـرْ
هـَـلهـُــولـَه اوصارْ الـتـَـغــيـيــرْ
يـَــمـْـبـَـشـّـِــرْ بـَـشـّـرْ بالخـيـَـرْ

ردْنـاه الوادمْـنـَـه .. العـونْ
عـَـلـْـمـوه  ايـفـنـلـْـنـَـه افـْـنـونْ
تِـهـْـمـشْ كـلهَـه .. اتـْـسِـنْ اسـنـونْ
يـا كـرْسـي الحـكـمْ الـمَـجـْـنـونْ
مـسْـكـيـنْ الضَـنـَّـكْ مـأمـونْ
إشـْـمـالـَـه الخـاواكْ..ايـخـونْ ؟
بـوْريـَـقـَـه ايـشـَـرّعْ قـانـونْ
راي اوضـايـعْ بـالـتـَـدْبـيـرْ
تـاريـخْ اوامـْـثـالْ اچـْـثـيـرْ
واليـنـْـسـَـه ابـتـاريـخْ الماضي
حـيـَـلْ اويـاه .. جـيـرْ اوبالجـيـرْ
هـَـلهـُــولـَه اوصارْ الـتـَـغــيـيــرْ
يـَــمـْـبـَـشـّـِــرْ بـَـشـّـرْ بالخـيـَـرْ


شـَـمْـس الكـونْ اولازمْ تـشـْـرِقْ
تـكـْـشـفْ مـتـْـخـَـبـّـي .. اومَسْـتـورْ
الدنـْـيـَّـه .. دَوّارَه اتـْـدورْ
يـُـظـْـلـَـمْ من يـظـْـلـُـمْ وايـجـورْ
لا قـَـصرْ ايـفـيـدَه اولا سـورْ
اولامِـلـْـيـاراتْ امـنْ ابْـحـورْ
امْـريـكـَـه اتـْـوَزعْ بـالـدورْ
شـَـعـبْ اوهَـدَّتْ بـيـه انـْـسـورْ
شـَـعـبْ الـنـاسـي ! اشـْـلونْ ايـثـورْ
يـطـْـردْ مـنْ يـغـْـدرْ وايـجـورْ
جـوعْ الما يـشـْـبَـعْ  مَـثـْـبـورْ
نـصْ اولادَه ايـْـتـامْ اتـْجـَـدْي
والأحْـيـاء اوتـبـْـني اگـْـبـورْ
والأمْـيـَّـه اتـْعـَـشـْعـِـشْ عــدْهــمْ
والنسوانْ اتـْـسَـوّي اسْـحـورْ
والفـيـل هالگـامْ ايـطـيــرْ
يـَــمـْـبـَـشـّـِــرْ بـَـشـّـرْ بالخـيـَـرْ
هـَـلهـُــولـَه اوصارْ الـتـَـغــيـيــرْ



ســــــــــبتمر / 2014
ســــــــــــتوكهولم

الگاردينيا:متألقة انتِ دوما يا ميسون ...


 

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

724 زائر، ولايوجد أعضاء داخل الموقع