انـهـَـض واعـتـصـم ..قصيدة رائعة للشاعرة ميسون نعيم الرومي

ميسون نعيم الرومي



انـهـَـض واعـتـصـم

خـَيـعـون الـشـَـعـَـب بـيـكـم اوهـنـيـالـَه
يـتـرَجـَّه الـفـَـرَج مـن كـومـَة احـثـالـَه
 
حـَـرامـيـّه اشـكـثـر فـَـرْحـان جامعهـَه
ابـريـمـَـر هالفـرضهـَه اعـْلـيـنـَه جـوّاله
 
لـَمـْـلـوم انـجـِمـَـع لاعـِـلــِـم لاأخـلاق
دكـتـور اونـصَب عَ الـوَطـَن هالعالـَه
 
قـَچـَـقــْچي اومـنهـم الگـَـوّال والـفـاشـِل
اسـنـيـن اربـَعـْطـَعـَـش هاللعبـَت النشاله
 
لاخـدمـات مامـش شـغـل لا اسـتـقـرار
دَم اوبـالـوَطـَـن والـمـوت هـالـطالـَه
 
دسـتـور العـراق اوكـتـْـبـتـَه امريكه
انـبـاگ العـراق ابـحـالـَه وابـمـالـَه
 
يـاشـَـعـب او بـعـَـد ليـويـن بـَس اوبـَس
غـارگ بـالحـزن والـظـَهـَـر بـيـه فـالـَه
 
احـقـوق اوتـُـنـْـتـَـزَع ماتـنهـدي اوتـنـبـاع
انهـَـض ! واعـتـصم بـجـْـنـوبـَه واشـمالـَه
 
يـشـرد كـل دَخـيـل الـجـانـَـه واتـسـَـيـّـد
مايـلحـَگ أبـَـد وايـلـَمـْـلـم اچـوالـَـه
 
مـَـلـْـيـنـَه الـبـَچـي والـلـَطم عَ الخديـن
نـمـْـشـي عَ الـنـَـفـط وانـلـَمـْـلـِم ازبـالـَه
 
لومـثـل الجمل بـَس ناكـل العاگـول
انحمـّـل ذهـَـب ... ناكـل بـلـنـخـالـَه
 
خـَيـعـون الـشـَـعـَـب بـيـكـم اوهـنـيـالـَه
يـتـرَجـَّه الـفـَـرَج مـن كـومـَة احـثـالـَه
---------
كانون الثاني / 2015
ســــــــــــتوكهولم

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

957 زائر، ولايوجد أعضاء داخل الموقع