حاكم مناسب لشعب موافق على كل شىء!!!

التفاصيل

تم إنشاءه بتاريخ الإثنين, 29 كانون2/يناير 2018 08:54

اكو بلد (في مكان ما) شعبه "غريب و عجيب" ياهو اليجي يضحك عليهم وهمه راضيين ..اجاهم حاكم.. گال الا اخلي هذا الشعب يصير جريئ ويطالب بحقه!.

فگام طبق عليهم اشق القوانين في سبيل انه يطلعون ضده .

گطع المي .. ماحچوا ،گطع الكهرباء .. ماحچوا ،اخذ نص راتبهم .. ماحچوا ، گطع الطرق .. ماحچوا ، گطع البطاقه التموينيه .. ماحچوا ..!!.

طگت روحه .. بالاخير خلة بالسيطرة الرئيسية للمدينة ضابط .. ياهو اليفوت من السيطرة يضربه چلاق يالة يعبر .

ورة چم يوم جمعوا الناس يم بيت الحاكم ، الحاكم كيف ..گال واخيرا طلعوا ضدي ، طلعلهم گللهم ها شتريدون ..؟؟؟

گلولة شنو مخلي بس ضابط واحد بالسيطرة ..؟؟

خلي ستة سبعة علمود ميصير ازدحام ..!

وين العظمة بهذا الشعب؟؟؟!!