قـيَّــم الرَگـّاع مـن سـاســة هَــلي

التفاصيل

تم إنشاءه بتاريخ الجمعة, 04 نيسان/أبريل 2014 21:14

كتب بواسطة: حذام الحداد

حذام الحداد

قـيَّــم الرَگـّاع مـن سـاســة هَــلي

قـيَّــم الرَگـّاع مـن سـاســة هَــلي
رَبْعـچ ألتَــمَّـوْ يـحسـنَـه هـَلهِـلي

قـيَّـــمْ الـرگـّاع مــن هـالـســاسَــه
شعَبنه صار بضيمْ وتعِبَـتْ ناســه
وبـالـطائفيَّة والفتَن لعْبَـو براســه
ماندري شوَكِتْ يرتاح وهمَّه يـنْجلي
قَـيَّـم الـرگـّاع مـن ســاســـة هـلي

وسـفَه هالبلد صفه بـَس للحراميـَّه ْ
وتفَـرْهّدْ مالَـه لَـمَّـن غـفـه راعِـيــَّه ْ
والمعَـمَّم فـتَهْ أو لِعَب  چــــوبيـه ْ
مَگرود المواطنْ صار بـيهُم مبتلي
قـيَّـمْ الــرَگـّاع مِــن سـاسَــةْ هَـلـي

إسـألو التـاريـخْ عـلَ مَــدْ الــدَهَــرْ
هَم ذكـَرْ واحد على الكُرسي عُــمَرْ
والشاطر يگول آخذ من الدرس العِبَرْ
لو دامَت لغيري چان ماوصْلَتْ إِلي
قــيَّـمْ الــرَگـّاع مِــن ساسَــة هَلــي

شَعـبي الصابرْ أبدْ ماضاگ  فَرحَهْ
ثلاثيـن من العُـمر ما طلَعْ صبحهْ
جوع وفقــر ومتوسـدْ على جرحه
والعالِمْ بحاله بَس تَره ربَّهْ العـَـلي
قَــيَّـم الرگـّـاع مـنْ ســاسَة هـــلي

مسكين المُواطن شافْ بـَس الشين ْ
چــان بوحـدَة صارْ انّوب بـثنـين ْ
ومـايـدري زِمانــَه ماخـذه لويــن ْ
ساكتْ تشوفـَهْ والگلبْ يغـلي غَـلي
قــيَّـم الـرگـّاع مــن سـاسَـة هَــلي

صدَّگ الشعب من فتوَ بالدسْـتورْ
وانْغـرَه بألقابهم منْ عالـمِ ودكتورْ
طـاح قـْناعهُم وانكشَفْ الـمَسـتـورْ
يا شـــــعوبي منهم  إشتـتأمَـلي
قـيَّـم الـرگـّاع مـن سـاسـَـة هـَلي