لو يعدموني مثل زلخا أباب الشرجي أظل أگول الحق و ما أخاف/٢٢
- التفاصيل
- تم إنشاءه بتاريخ الجمعة, 20 تشرين2/نوفمبر 2026 12:58
- كتب بواسطة: أبو حمودي البغدادي

أبو حمودي البغدادي

لو يعدموني مثل زلخا أباب الشرجي أظل أگول الحق و ما أخاف/٢٢
- أبو حمودي اليوم شفتك من بعيد تضحك وتحجي ويه روحك، شنو القصة ضحكنا وياك.
والله ما كلت غير الصحيح..
- لعد وينك ضحكنا خلينا نفرح وياك.
ليش لاء والمسألة وما بيها هي قصة جرف الصخر..
- وين الجديد؟؟
على بختك الاخبار ماليه الدنيا.
- نورنا اكثر..
نعني هذا الرجل قصدي علي الزيدي سبع واخو اخيته.
-شلون؟؟.
شنو شلون لعد ما تشوفه وفى بوعده ودخل جرف الصخر..؟؟.
- بروح أبوك ما دكولنه شنو أهمية جرف الصخر أشو المليشيات تارسين البلد ووين ماتروح.
هاك أولا أقرأ هالمعلومة:
مدينة تقع شمال محافظة بابل في العراق، وتعدّ بوابة إلى مناطق جنوب البلاد، وتكتسب أهمية استراتيجية بسبب طبيعتها الجغرافية الصعبة وموقعها الرابط بين المحافظات الغربية والوسطى والجنوبية. سمّتها الحكومة العراقية "مدينة النصر" في خطوة ربطتها بالانتصار على تنظيم الدولة الإسلامية.
تقع منطقة جرف الصخر شمال محافظة بابل على بعد نحو 60 كلم جنوب غرب بغداد، وإلى الشمال من مدينة المسيب على بعد 13 كلم، كما تقع على الخط الرابط بين عمليات الأنبار وبابل.
وترتبط جرف الصخر بجغرافية منبسطة مفتوحة مع مدينة الفلوجة والعديد من المناطق في محافظة الأنبار، وتشكل الجناح الشرقي لقضاء الفلوجة، وتتصل أيضا بمدن حزام بغداد الجنوبية: اللطيفية والإسكندرية واليوسفية والمحمودية.
وكان يسكنها -قبل تهجير أهلها عام 2014- نحو 50 ألف مواطن أغلبهم من قبيلة الجنابيين (سنة) من الفلاحين العاملين في الزراعة كونها تقع على الضفة اليمنى (الغربية) من نهر الفرات، ورغم طرد قوات تنظيم الدولة الإسلامية منها، بقي سكانها لا يستطيعون العودة إليها.
عدى الكتابة اكول واضيف:
الناحية اصبحت بؤرة لتهريب البترول وزراعة الحشيش وصناعة الحبوب المخدره وتجمغ للارهابيين والقتلة و الجواسبس وغيرهم.
تصوروا كان ممنوع دخول المسؤلين الحكوميين والقوات الحكومية الى الناحية ، فد يوم وزير الداخلية الشمري وصل للبوابة و هددوا وانجبر ينسحب وهو و حمايته!.
كل رؤساء الحكومات ما تجرؤا يجيبون اسم الناحية وماتجري داخلها وهم يعرفون حق المعرفة وبكل تفاصيلها.
- والله صدك فعلاعلي الزيدي عراقي اصيل وشجاع..
هاا هسة عرفتوا ليش كنت أضحك ، أخوان الاخبار المفرحة واللي تخص عراقنا تشرح الصدور ومو بس تخلينا نضحك لا بل نركصلها بجفية.
- كلامكم على الراس ابو حمودي الورد.. وينك ياولد اليوم جايات الكاعدين بالكهوة كلها على حسابي.. اليوم يوم سعيد لكل عراقي شريف وعزاء لكل العملاء والجواسيس.
























































































