حچاية التنگال ٢٩٧٩

التفاصيل

تم إنشاءه بتاريخ الثلاثاء, 02 أيلول/سبتمبر 2025 09:48

كتب بواسطة: د.سعد العبيدي

د.سعد العبيدي

حچاية التنگال ٢٩٧٩

كامل دا يتابع السيرة الذاتية للسفير الأمريكي جورج المتعيّن جديد ببغداد: أكاديمي ودبلوماسي مشتغل بعدة مناصب بالخارجية ومسؤول عدة ملفات وقائم بالأعمال بليبيا ومدير شؤون العراق بمجلس الامن القومي، ويتقن ست لغات فوگاهن العربية، يگول:
أشو رأسا إجتي على بالي قائمة سفرائنا الي قدمها مجلس الوزراء، وأقرها البرلمان، وشفت
الأصغر عمر بيها أبو حسين مواليد ١٩٩٠ مشتغل سنتين موظف بجامعة خاله وسنتين موظف بالبرلمان بصف خاله، وعشر سنين خبرة مشي وره خاله. ومن قارنت بين الاثنين ولو ما تجوز المقارنة حرت اشلون راح يتعاملون وياه المنتسبين المخضرمين بالسفارة، واشلون يباوعوه السفراء الايچات من دول العالم، واشلون راح يتصرف من يقدم أوراق اعتماده لذيچ الدولة ويخاطبوه سعادة السفير، وسألت نفسي عجباه ربعنا ما تهمهم سمعتهم وما يريدون ينجحون وتاليها اقتنعت بحچي السيد الريس من إنهم جايين مقاولين تفليش.