حچاية التنگال ٢٩٤٥

التفاصيل

تم إنشاءه بتاريخ الثلاثاء, 17 حزيران/يونيو 2025 07:43

كتب بواسطة: د.سعد العبيدي

د.سعد العبيدي

حچاية التنگال ٢٩٤٥

الخارجية الايرانية وبعد ما استخدمت إسرائيل الأجواء العراقية واستباحتها لضرب ايران من فوگاها راحت وبيان رسمي تحَمِل العراق مسؤولية اختراق أجواءه، وتگول بنبرة شمخره: إنتم دولة ذات سيادة وراح يكون عدنا حساب ويّة المحايدين: عجيب أمور غريب قضية أشو إنتم، مو بس جوارين، صرتوا أهل البيت، وتعرفون البير وغطاه، وتدرون بقصة إعادة بناء الجيش العراقي الجديد وتحديد قدراته، ومسألة تسليحه، ودوركم بالموضوع، ودفعكم بتأسيس تشكيلات وفصائل مسلحة موازية إله حتى بالتدريج تحل محله.
هسه ما نريد نحچي أكثر وإنتم بعدكم ملچومين، بس نگللكم الفصائل والتشكيلات الي سويتوها ودربتوها وسلحتوها وصرفتوا نص ميزانية العراق عليها، خليها توگف وياكم بهاي الشدة، وتضربلها چم صاروخ ولو عن العين من جرف الصخر، وبدل ما تحملونا مسؤولية تحليق الغربان فوق أجوائنا خو إنتو نشوا الي تعبر وتطير فوگاكم ٢٤ ساعة. عمي متخلون الناس ساكته مو صرنه مثل بلاع الموس!