حچاية التنگال ٢٧٥١

التفاصيل

تم إنشاءه بتاريخ الثلاثاء, 20 آب/أغسطس 2024 10:10

كتب بواسطة: د.سعد العبيدي

د.سعد العبيدي

حچاية التنگال ٢٧٥١

گبل ومن چان الطب مو شي والمعرفة گليّلهَ، الي يتخبل يربطوه بشباچ الامام لو يودوه للسيد يتفل بحلگه لو يسويله سحر، والمره الي تخرب ويه رجلها تروح للساحر يبطل العمل مال العمّه ويسويلها عمل جديد تخلي الرجال خاتم باصبعها ، وهاي السوالف من العراق اشويه بدا يتقدم ليگدام بالستينات والسبعينات بدت تقل اشويه بعد اشويه، لكن اشو بهذا الوكت رجعت أقوى من گبل وصار الي يمارسوها كلاوچيه وما يستحون أكثر من گبل، والغريب گاموا يروحولها موظفين وموظفات وقاده وأصحاب شهادات، والأغرب وحده من الي راحن بهذا الشهر عدها دكتوراه مشكلتها ويه رجلها تگول دا أشوفه يلعب بذيله وأخاف يتزوج علي فودتها صديقتها لواحد سحار بالبياع، شافها وطش چم حصوايه وگال معمولج عمل ولازم أسويلج عمل، بس هذا العمل ما يصير الا على نگاسه، يعني .... هنا الأخت تگول هم زين صحيت ويطلت لأن شفتها حرام.. لعد إشگد احنه بخير وملتزمين بالحلال والحرام.