حچاية التنگال ٢٦٧٦

التفاصيل

تم إنشاءه بتاريخ الجمعة, 22 آذار/مارس 2024 07:07

كتب بواسطة: د.سعد العبيدي

د.سعد العبيدي

حچاية التنگال ٢٦٧٦

لمن ضابط بالجيش برتبة كلش چبيرة يقل عقله، ويدعم مواقع تبتز وتهدد جهات وأشخاص بالدولة الي إنطته كل الي راده وأكثر من الي راده: منصب وجاه وسلطه ما چان يحلم بيها، من يوم طفرته العبرة من ذاك النظام الي چان بيه مدلل وحزبي مرصرص، لهذا النظام الي بده بيه الدلال أول يوم الطفرة من على گنطرة واحد كلش چبير وبيده اليمين سجادة، واليسار استثناء، لانه سيد ومن عدنه وبينه، معناتها نظام الاختيار والاستثناء على أساس الأصل والمذهب غلط، ومعناتها الوثوق بالي يصبغ ويتچي وينتچي أكبر غلط.
ولمن الدولة فوگ الدلال تنطي هذا الضابط القائد منصب استخباري چبير تاخذه من الحصة، ويطلع مستغل المنصب والدائرة وزايده فلوسه مئات المرات، وإبنه بايگ المشجب، معناتها كل تقاريره الاستخبارية، وكتابته وتقييماته للضباط الي وگعوا بطريقه والمجالس الي رأسها والي اشترك بيها غلط، ومعناتها الاختيار ليهچي مناصب حساسه أكبر غلط. ومعناتها غلط يجر لغلط، والدولة الي توثق وتستثني، وتغض النظر، على أساس إلي عنده ظهر، أكبر غلط.