أصحاب الشهادات - ٨

                                                        

                           د. طلعت الخضيري

أصحاب الشهادات -٨

في تسعينيات القرن الماضي عان المثقفون من صعوبه العيش .
أصحاب الشهادات
بشهادتك يبني روح تلهه ... ما ساويت أبو الدنبك والملهه
وعن المحرمات بعد لا تنهه ... كل هاذه ما يجيبلك فلوس
-------
ميعيش غير السرسري و المحتال ... والمليونير الجان أبو نص نعال
وصارو نسوان أللي جانو رجال ... واليوم وضعنه صار ميأوس
-----------
ظريبه السفر من الألف أربعين ... وعله كل طفل يندفع عشرين
والمسافر يتوكل عله رب العالمين ... وباص عمان صار بالمسافرين متروس
------------
يتدافعون بالبنوك لدفع الأجور ... وواحدهم يدري صار طرطور
والمايكدر يبقه بعشه محصور ... يصون كرامته ويحفظ الناموس
---------------
ما يعرف بيومه شلون يعيش ... وما ينتظر من أحد كرم أو بقشيش
وكل صبحيه يدخلون بينه شيش ... ونتهزم من الواشي والجاسوس
------------
ياربي أطلب رحمتك وسترك ... وخليني صابر وساير بدربك
غير هاذه ماأريد غير مسلك ... وأصبر فلوضع صار ميأوس
كتب في بغداد 6-6-1994

فيديوات أيام زمان

إذاعة وتلفزيون‏



الأبراج وتفسير الأحلام

المتواجدون حاليا

1745 زائر، ولايوجد أعضاء داخل الموقع