حچاية التنگال ٢٤١٣

                                                        

                                 د.سعد العبيدي

حچاية التنگال ٢٤١٣

بآخر ليلة للحكومة السابقة الي سموها العراقيين ليلة الوحشة طلع رئيس الحكومة وگال: نسلم الحكومة والعراق بحال أفضل، والحال الأفضل من وجهة نظره الاحتياط النقدي للعملة الأجنبية الي تضاعف بالبنك المركزي، ووصل خمسة وثمانين مليار دولار، وخزين الذهب هو الآخر الي زاد عن (١٣٠) طن.

هم ميخالف نجرع هذا الحچي، ولو ما نعتقد أن للحكومة فضل بيه لأن أسعار النفط تضاعفت، بس تعال گلي شنو الي صار أفضل بحياة المواطن، وشنو الي سوته هاي الحكومة، أشو نسب الفقر زادت، والفساد وصل لباب الدار، والحرامية همه الأقرب الى الحكومة، وهيبة الدولة طاحت بحيث الايرانين بعد الاتراك بدو يقصفون الأراضي العراقية براحتهم، والكهرباء مثل ما هي، والمي زاد النشاف مالته، والجواز العراقي رجع ليوره پاية، وغيرها هواي وهواي الي تخلينه نگول:
مشكلة الرؤساء بالعراق يسمعون بس الي يريدون يسمعوه من الي حواليهم، لو يعرفون ويحرفون لأنهم يچذبون، وبعدين تعال گلي شني فايدة الذهب والدولار اذا ما يحسن الوضع المعيشي للناس، ثم ما تدري المستعصم بالله آخر خليفة عباسي سقطه الذهب على ايد المغول، لمن ما قبل يصرف منه على الجنود.
مصيبتنا والله مصيبة، ومصيبة رؤساءنا بالعشرين سنة الأخيرة أكبر مصيبة، لأنهم ما يؤمنون بالمثل الي يگول:
الي يعيش بالحيلة يموت بالفگر.

  

إذاعة وتلفزيون‏



الأبراج وتفسير الأحلام

المتواجدون حاليا

472 زائر، ولايوجد أعضاء داخل الموقع