حچاية التنگال ١١١٧

التفاصيل

تم إنشاءه بتاريخ الأربعاء, 09 حزيران/يونيو 2021 07:11

كتب بواسطة: د.سعد العبيدي

                             د.سعد العبيدي

حچاية التنگال ١١١٧

عائلة بيت حميدي قتلوا زلمة من عشيرة بيت هويدي.

المقتول جويسم وسبب القتل طالع يسرح بالهوايش مالتهم، والهوايش عابرات على الزرع مال بيت حميدي، وطبعاً القاتل اعترف گدام الشيخ مالتهم هو ما متأكد، أنو جويسم متعمد هاد الهوايش بالزرع، لو هن الهوايش أخذنه غفل وعبرن على زرعاتهم.
الشيخ زمخ بيه وگاله ولك اسكت لا تجيب لهاي الحچاية طارى وطلب من ربعه يدگون بيت حميدي.
بيت حميدي أخذوا عطوة وبعد ما خلصت العطوة راحوا يفصلون، وبدت الملاواه بين العشيرتين المتجاورات المتناسبات من عشرات السنين.
بيت هويدي گالوا جويسم غالي علينا، أي هو لا يقرة ولا يكتب، بس زلمه تگف من زلم العشيرة وعليه العمد، لازم حلال العائلة ودمه ابد ما يروح هدر. والشيخ حلف يمين يهد الحيل الــه ياخذ بثاره مربع، وجمع زلم العشيرة وگال اريد منكم تلگطْون من بيت حميدي أربع شباب كون عينتهم. أو ينطون فصلية.
بيت حميدي أكثر بناتهم متزوجات والباقيات جهال، فأخذوا فطومة عمرها خمس اسنين، وتعنوا لعشيرة بيت هويدي.
الاب شال الطفلة وخلاها گدام الشيخ وهي ما تدري شني القصة وگال هاي فصليتكم.
أريد اسال العرب الي بنوا حضارة مو قليلة معقوله چانوا يقبلون يذبحون الطفولة بهاي الطريقة. واسأل العشائر اشلون يقبلون على نفسهم يفترسون طفلة بهاي الطريقة.