عرب وين وطنبورة وين !!!تلقيح تلفزيوني وحداد!!!

                                         

                      سيف الدين الألوسي

عرب وين وطنبورة وين !!!تلقيح تلفزيوني وحداد!!!

لتشجيع الناس على التلقيح ضد كوفيد ١٩ الاكشر ،،،، سيتم تصوير عارضي الازياء المطعجين والمدللين البطرانين بوش الابن وكلينتون واوباما وذلك عند تلقيحهم !!! وحسب رغبتهم !!

اعتقد كلمة تطعيم افضل من كلمة تلقيح لأن التلقيح له معاني اخرى !!!
واوباما يكول عندي ثقة عمياء بالدكتور فاوتشي ،،، احسن واحد يلقح !!!!
بس كيري ملقح من گاعه فميحتاج لا تلقيح ولا تطعيم ،، حتى كوفيد ١٩ مييجي عليه ،،،،، !!! يمكن رح ينطوا جرعة ثالثة قطرات وردي مال جهال مثل لقاح الاول من چنه بالابتدائية !!!
بس النسوان السياسيات ميقبلون يتلقحون ويتصورون !!!
رح يتلقحون دفينتلي دفن ومحد يدري بيهم ،، اذا مملقحات ليهسه !!!!!
جونسون وماكرون همين رح يلقحوهم !!!!
وليزا وابو جارلس همين رح يلقحوهم بغبار الطلع حتى يجيبولنه زهرة حلوة حمرة عليهم !!! فدوة لعينهم !!! حتى تلقيحهم حلو و سهل !!!
ابو الصحة الدولية وچ النايحات والبوم ، ميقبل احد يلقحه حتى يتم التصديق على اللقاح من عنده !! على اساس هو بجمال كاترينا زيتا جونز فدوه وقربان لعينها !!!
ومو كل واحد ييجي يلقحه !!!
وروح وللي شكد مكروه !!!كولت كيري !!!
حتى التلقيح يستغلوه للشهرة والمال ،،،
وبيان انفسهم ملائكة وخوش ناس وقلوب عاطفية ويحبون الناس والبشر والحواوين !!!
وافتح يا كوفيد ١٩ ابوابك نحن الاطفال !!!
وبالعافية ،،، كولت مضمدي الاول وره ميچقون الابرة !!
أما الموضوع الثاني
فاليوم الجمعة ايضا ،، خبر عاجل من صحيفة “ديلي ميل” البريطانية،، إن الملكة إليزابيث الثانية، ملكة بريطانيا، أعلنت الحداد في قصر باكينجهام، بعد وفاة أحد كلابها المفضلة.
شلون شغله !!!!!
حتى الكلاب مخلصت !!! رح تگرط روسنه كلتنه ،،،،، شنو ملكة لو ملك الموت ،،، كشرت نص البشرية وبعدها تتفرج البومات عرسها !!!! حتى كوفيد ١٩ يحبها ويخاف ييجيها !!!
عفية مره ،، متنشلين ،، ميصير عندج حموضة ،، التهاب مجاري بولية ،، تكلس بالمبايض ،،،، تثخن بجدار الرحم ،، عكده بالثدي ،،،،، حتى غازات ميصير عدها !!!!
شنو انت ،،، رندة صديقة نبيل فوزي ،،، سوبرمان سابقا !!!!!!
ادري ،، صدك لو گالوا ،، الناس بالناس والگرعه تمشط بالراس ،،، وناس تاكل دجاج وناس تتلگه العجاج ،، وشلون عجاج كله طيحان حظ .

الأبراج وتفسير الأحلام

المتواجدون حاليا

513 زائر، ولايوجد أعضاء داخل الموقع

تابعونا على الفيس بوك