القراءة الخلدونية ،، دروس وعبر !!!

                                              

                           سيف الدين الألوسي

  

القراءة الخلدونية ،، دروس وعبر !!!

اذا بقت الكهرباء هيجي بالحر ،،، واهل المولدات يطفون بكيفهم ،، والكورونا ،، والمآسي الحقيقية والجهل ،، وحصارها الاجباري ،، والهوسة ورداءة الخدمات والصحة ،،، وناس تجر بالطول وناس تجر بالعرض ،،، فأعتقد هواية عراقيين رح يصيرون سويجات من ماركة ام كي الاصلية ومحمية بفيوزات حجر ام الحماوة !!! وانا اولهم !!!! لان البعير باقي على التل ومدينزل حتى بالمساء !!!!!!!!!! ولا حتى بالليل !!!
الواحد ميدري وين ينطي وجهه ،، لترامب ابو الهيدروكسي كلورو كلورين والحاير بمشاكله وشرطته ومعركته الانتخابية ويه المخرف بايدن !!! ،،، لو للصحة الدولية التي يرأسها دثو مفصول من الوظيفة لغبائه وربعه !! ،،، لو لتدخلات جيران العراق ،، واستخفافهم به !!!! لو لاسعار النفط الخارطة ،، لو من القلق على اولادنا واحفادنا ومستقبلهم ،، لو من برامج التلفزيونات السخيفة ،،، لو من اللقاءات ويه الشكولات الزفرة يوميا !!!! لو من التفاهات التي وصلها العالم العربي وسطحيته ،، لو من احتفال ملكة بريطانيا بعيد زواجها والبشرى السارة بحملها بوليدها البكر ولي العهد منذ ثلاثة اشهر ،،،،،،واللي رح تكشرنه كلنه وهي فوگ الحصان !!!!!!!!!
واخر خبر لقاحات مختلفة تم اكتشافها في بريطانيا وشركات روش وروسية وووووو وكلها باعتقادي چاي وچذب وكلاوات ،، لانه لم يتم تجربة اي لقاح بصورة محايدة ومن مصادر موثوقة !!!!
عالم ساءت تصرفات سكانه واستهتارهم ،، بحجة المال والاقتصاد او بحجة الدين المتطرف او بحجج غير انسانية مختلفة !!!! وتحولت العبودية السابقة الى عبودية وجهل متعمد بشكل اخر ،، اكثر قساوة وايلاما من قبل ولكن بغطاء قانوني !!!!  وحتى الحيوانات زهگت
وبف بف ، بف ،، بم !!!!!!!!!!! وانفجرت الضفدعة وماتت ،،، گولت القراءة الخلدونية گبل ستين سنة !!!!!!!!!!!!

الأبراج وتفسير الأحلام

المتواجدون حاليا

388 زائر، ولايوجد أعضاء داخل الموقع