ألقادمون من عمان

التفاصيل

تم إنشاءه بتاريخ الخميس, 13 أيلول/سبتمبر 2018 06:56

كتب بواسطة: د.طلعت الخضيري

د.طلعت الخضيري

ألقادمون من عمان

في سنين ألتسعينيات ألصعبه كتبت هذه ألخاطره
يا هله بالجايين من عمان
جنت بجيتهم متأمل وفرحان
----
رحت بطريبيل أستقبلكم
وبسيارتي إلى بغداد أنقلكم
وأسلم عليكم وأرحب وأقبلكم
متأمل بهداياكم أترس ألجربان
----
حلمت ليالي بالكازو والفستق
والبقلاوه والجكليت أبو ألبندق
وترحيب أريد بيه أنطق
وديباجه من ألشكر والعرفان
----
ياخساره آمالي كلهه طارت
ودموعي عله ألوجنات سالت
ليش عشيرتي عليه جارت
ومن وراهم صرت خسران
----
كالو يارجل أفهم وأعلم
وماداعي تصير عبقري وملهم
ما جمع أحد ألدينار والدرهم
لو جان خوارده وموكل ألجوعان
----
فخلي تصير عندك دوم عبره
ألناس متلبسك عكال لوغتره
واعتمد عله نفسك كل مره
واتأمل من ألباري عظيم ألشان
كتب في بغدا 20-12-1993