تأملات / الحلقة ١

د.طلعت الخضيري

تأملات/ألحلقه١

ألمقدمه

كنت دوما معجبا بشعر ألمربع للشاعر ألشعبي ألكرخي ،ونضمت في أيام ألشباب بعض ألقصائد أمازح بها أساتذتي
في ثانويه ألعشار ، وفي ألتسعينيات من ألقرن ألماضي مر على ألوطن فتره إقتصاديه صعبه بعد بحبوحه ألعيش في ألسبعينيات
ولم أسلم من ألضغط ألنفسي ،وما كنت أشاهده من مشاهد مؤلمه ألاحضها في ألحياه أليوميه من حولي ، وأقدم إلى ألقارىء ماكتبته في تلك ألحقبه .
أضغاث أحلام
بليله ظلمه شفت بالمنام
بعد مانمت واستغفرت سيد ألأنام
حلمت بعجايب مو واقعيه
حوت جبيره تبلعها جريه
والبخيل ألدوني ينطي هديه
والهرم أبو ألتسعين تحبه صبيه
وجلب صيد يلعب ويه ألدراجه
والواوي تاكله وتفترسه دجاجه
والجاهل سمعته يحجي حكم
والأرعن صارلي أبو ألحلم
والمعارج كام يحب ألسلم
ومن الخرابيط حلمت هوايه
وحلمت بصربي يبوس مسلم
وكرواتي عله بوسني يسلم
وسيكي صوره ألمسيح يرسم
ومجوسي رافع أله ألقرآن آيه
وبالسمه محلق و طاير جمل
وسمجه بسويسره تتسلق جبل
والمقدام من ألسرسري وجل
والتمره تنذب وتنوكل ألنوايه
والسباع تبول عليهه ألواويه
ومدرب ألسركس تركصه شاديه
والنجيبه تخسر وتفوز ألعاديه
والمال يصير هدفنه وكل غايتنه
وظهرلي هندوسي ياكل لحم
والنرجس مورد وورده شحم
والدر مصخم واليلمع فحم
وماشفته بالحلم صار حجايه
وشفت بنكلاديشي شبعان وسمين
والجيفه تنشم وينسه ألياسمين
والخبازه تعجن رمل وينسه لطحين
والأديب يبيع مكتبته بسوك ألسراي
والنفائس تنباع بسعر ألماي
وبدون ألشكر ينشرب ألجاي
ومصخمه وملطمه تصير قصتنه
والضباع تتوكح وتصير أسود
والحق ينزهق والباطل يسود
والخير ينسي وما أله مردود
وصار شعارنه عار وخزي بستتنه
والمرتشي يلطع عسل واكله ألمسكوف
والنزيه عينه تشوف وكلبه يسوف
والعفيف بقه بسلاباته يخيط ويروف
ويكول مانريد ألعنب ونريد سلتنه
والبوذي بتاريخ ألإسلام يمجد
والكافر للمسلم يدعي ويأيد
وهندوسي يصير حجي أو سيد
إذا صح ألحلم لابد غركان مركبنه
كتب في بغداد ٢٦- ١٢- ١٩٩٣

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

977 زائر، ولايوجد أعضاء داخل الموقع