وين اهلنه ؟

التفاصيل

تم إنشاءه بتاريخ الخميس, 25 أيار 2017 09:49

كتب بواسطة: ميسون نعيم الرومي

ميسون نعيم الرومي

 وين اهلنه ؟

عـلى اجـناح الشـوگ جـيـتچ
مـن بـَـعـَـد غـيـبـَة سـنـيـن
 
غـِنـْوَه گـَلبي غـَـنـَّه بسمچ
هايـم اوكـلي حـَـنـيـن
 
ابحضن گاعـچ من ربـيـنه
نـغـْـفـَه عَ اللحـن الحـَزيـن
 
عـيـني ليـچ اودوم تـرْبي
بـيـهـَه حـَسـْرات اوونـين
 
غـَـصَّه انـتِ بالليـالي
وَشـِـم حـبـّچ عَ الجبين
 
انـتِ يحـْـبـيـبـَه فـَرَحـنـَه
والفـَرَح .. يابعد روحي .. ضنين
 
فـيـزَه دَگــَّـوْ بالجـواز
صرنـَه غـربه جيم اوسين
 
جـيـتچ آنـَه .. مالگـيـتچ !
انـشـِـد اسأل .. آنـه ويـن ؟
 
ويـن الاحباب .. ويـن اهلنه ؟
نـَخـلـَتـْـنـَه ويـن ؟
راحـت ! اوراح الياسمين..
 
ذكريات اتصيح تصرخ
والصدى ابـروحي رنين
 
اصفگت ايـدي .. اومادريت..
ابـغـربـتي غـربة سـَجـيـن
--------------
مايس / 2017
ســــــــــتوكهولم

الگاردينيا: زهرتنا الشاعرة / ميسون نعيم الرومي: