بغداد ...

التفاصيل

تم إنشاءه بتاريخ الأحد, 29 حزيران/يونيو 2014 10:11

كتب بواسطة: الگاردينيا

بغداد ...

الباء بات الحزن والآه والحيره
 والغين غزو وقتل يايمه بالديره
 والدال داء ومرض والطلقه بصديره
 والألف آه وحزن والدمعه على الغيره
 والدال الاخيره صفت مفتره فريره
 بغداد هيچي اصبحت يالسامع الابيات
 بغداد چانت گبل لادمع ولاونات
كراده خارج هلا وشحلوه البنيات
 ومنصور واگف جبل مابيه أثر طعنات
والكرخ يم النهر ويا الرصافه ايبات
 وباب المعظم دوه والكاظم الوصفات
 والدوره امي انا والغزل والصفنات
 وزيونة مكان الرقة والجمال والگعدات
  أربع أسامي ذهب تخلي الوطن جنة
 دجلة وفرات العذب والشيعة والسنة

الگاردينيا: شعر جميل ومؤثر..للأسف لم نفلح في معرفة ناظمها..شكرا له وبارك الله فيه