انتخب حتى لا تظل تنتحب

التفاصيل

تم إنشاءه بتاريخ الثلاثاء, 29 نيسان/أبريل 2014 16:34

كتب بواسطة: مثنى عبيدة

مثنى عبيدة حسين

انتخب حتى لا تظل تنتحب

صوتك شهادتك لا تفرط بيه وتنسحب

انتخب حتى لا يبقى العراق ينهب

انتخب العراقي اللي يحب

أهله العراقيين وكلمن نحب

انتخب لخاطر عيون العراق اللي نحب

انتخب ولا تبقى بالبيت تناقش وتنتحب

ولا تترك العراق لكلمن عليه ينجلب ..  فانتخب

مو كافي العراق دا ينحلب حلب .. فانتخب

مو صرنا جوه كل نجمة وثلوج تذب

انتخب حتى نرجع للعراق اللي نحب

اذا كعدنا على التل وخلينا العواصف تهب

شلون يرجع العراق اللي نحب ؟؟؟


أختي  أخويه اليوم يومك فأنتخب

انتخب ( خذ وطالب ) العافية درجات يلي نحب


انتخب حتى لا تظل أمهاتنا تنتحب

انتخب حتى لا تظل أيتامنا تنتحب

انتخب حتى لا تظل الأرامل تنتحب

انتخب حتى لا يبقى المظلوم ينتحب

انتخب حتى لا تظل الدمعة تهل تنسكب

يا أبو الغيرة صدك تعوف العراق وما تنتخب ؟

أعرف تحب العراق والله اعرف يا أبن العراق اللي أحب
 
بس أرجوك واستحلفك بالله انتخب

أرجوك واستحلفك بالله انتخب

انتخب حتى بيدك تمسح دمعتي وبعد ما  تنتحب

انتخب حتى بيدك تمسح دمعتي وبعد ما  تنتحب

أطلع أنت وجهالك وأنتخب

أطلع وخلي تطلع النساء وأمهاتنا وأطفالنا تنتخب

أطلع وخلي العالم يشوفك تنتخب


أنت أبن العراق اللي أنتخبك وأنت له تنتخب
 
أنت أبن العراق اللي أنتخبك وأنت له تنتخب



نداء شخصي من عراقي يحبكم ويحب العراق

أرجو من كل عراقي يحب العراق أن يحدد موقفه ومصيره ومصير أطفاله

الانتخاب شئنا أم أبينا تعطي الحكم سلطته  القانونية لكي ينفذ ما يريد

والعالم سوف يعترف بالانتخابات وما تتمخض عنها لذا واجب علينا جميعاً

أن يكون لنا صوت لكي يسمعه العالم

والله من وراء القصد

أخوكم مثنى عبيدة حسين