ذكريات زمان: منتخب الدربونة البغدادي!!

  

ذكريات زمان:  منتخب الدربونة البغدادي!!

  
               صديق الكاردينيا الدائم
                  منقول بتصرف

      

على عناد البرشة والريال...
لا يمكن ان ننسى ايام الطفولة ولعب كرة القدم في الازقة والدرابين الضيقة
لعدم توفر الساحات والملاعب التي تستوعب اطفال الاحياء في بغداد والمحافظات
ومنها أحياء الكرخ الشهيرة والكثيرة .... ,
وكذا الحال في أحياء الأعظمية والكاظمية والفضل والبتاويين
طبعا في لعب كرة القدم للصغار في الدرابين لا وجود لاختراع او شيء اسمه ((حكم))
ولا وجود حتى لمراقب خط..
 فالحكم هو الضمير الغائب المستتر!!!

  

قيافة اللاعبين حرة: ممكن تراكسوت او شورت وممكن دشداشة ملفوفة
وممكن بيجامة مطوي الحجل مالتها!!
وقت المباراة ينتهي عندما تظلم الدنيا!!!
ولا وجود لصافرة حكم!!
النتيجة قد تصل 52 – 67 هدف
((يعني مجزرة أهداف))!!..
بالنسبة للفاول
لازم توكَف اللعبة ويظلون الاولاد يحلفون 3 ساعات حتى يقتنعون أنّ فلان هو اللي كسر فلان.!!!
الطووبة كل شوية طافرة على بيت من البيوت والله يستر من وراها.
الگولجي يتبدل ألف تالاف مرة بالمباراة ..

  

وبالمناسبة أكو گولجي لاعب وأكو گولجي ثابت !!!!!!
وبالأخير تخلص اللعبة بس تصير هوسة وعركة على حساب الأهداف ومن هو اللي فاز !!!!!
كلوبات الانارة اللي خاليها الجوارين في بيبان بيوتهم كلها تتكسر من وره الطوبة....
الگوالة :عبارة عن نص طابوكة جمهوري أو تنكة
 أو حصواية چبيرة فوگ تك نعال في كل جانب،
وكل شوية يتعاركون شنو...؟
الطوبة طخت بالعارضة لو فاتت من فوگاها للگول!!!!.
وطبعاً اكو ناس يوكفون يم الگول حتى يكبرون ويصغرون بالكول بشكل خفي!!!
شيطنة حتى في كرة القدم!!!..
وبعدين يطلع واحد من الجوارين
وياخذ الطوبه ويشككها....
ولا يكترث لحسرة الاطفال ونظرات تأسفهم...  
كم أنت كبير وسبورتي ورياضي... أيها العراقي منذ طفولتك؟
وعلى عناد برشلونة... وريال مدريد...

  

طوبتنا أحلى من طوبتكم..

 

الطرب الأصيل

الأبراج وتفسير الأحلام

المتواجدون حاليا

682 زائر، ولايوجد أعضاء داخل الموقع