افطار شهي !!

التفاصيل

تم إنشاءه بتاريخ الإثنين, 03 حزيران/يونيو 2024 09:34

كتب بواسطة: سيف الدين الألوسي

سيف الدين الألوسي

افطار شهي !!

عندي صديق لديه ابن اخت وكيح جدا من چان صغير ،، اثناء حرب الكويت ذهبوا كل العائلة وحوالي ستين فردا الى راوه وحيث مدينتهم الاصلية ولكون بيوت معظم اهل العائلة بحي دراغ وقرب مطار المثنى ،، والذي اصبح هدفا مباشرا للقصف العنيف ،،،
المهم جاء رمضان تلك السنة وكانت الحرب منتهية تقريبا ولكنهم بقوا براوه وحيث الامور احسن من بغداد ،، اول يوم رمضان والكل صايمين وريحة الشوي تثول براوه وهذاك اللحم الناهي ،، يوجد حب كبير ديبردون بي المي حتى يتمتعون بمي الحب المنعش عند الفطور ،،، هذا ابن اخته للصديق لكه بزونة ميته بالشارع ،، وتعال وذب البزونة بالحب !!
وهذا الحجي قبل الافطار بساعات !!
وره الافطار ،، اشو الجميع يكولون ،، اشو المي جايف وبي طعم وعبالك بي وسخ !!!
الحجي يكول المي بارد بس اشو بي طعم مطيب !! اخاف الحب عتگان !!
الاخ يكول اخاف المي مضروب كيمياوي واحنه مندري !!!
بعدين تم اكتشاف البزونة الميتة بالحب وبعد ان شرب الجميع وفطر على نقيع البزونة المعطر !!!
ابو الدگه اعترف بأنه شمر البزونة بالحب حتى تتعقم !!!
وهسه احنه دنشبع نقيع فطايس ولغوة جايفة وشكولات زفرة معفنة ،، ويا ريت على مي لحم البزونة الميتة !!!
طلع اكو الكثير من الفطايس والتي هي على قيد الحياة بس جايفة ومتخجل ولا عدها ذرة غيرة على بلدها واهله وانتماؤها للارض . جيفت المي والهوه كله !!!!