علم العراق ..!!!!

التفاصيل

تم إنشاءه بتاريخ الإثنين, 18 أيار 2015 19:32

والدي من مواليد 1952
 قبل كم يوم رحت وياه لأحد الدوائر الحكومية عندة شغلة يكضيها ، اول ما دخلنه للدائرة ضل صافن وما تحرك وكال صيحلي واحد من الموضفين الي يداومون بهاي الدائرة !!

اني دخلت لكيت موظف گاعد گدام السبلت وحده
گتله : اخوية بلا زحمة ممكن تجي وياي ؟؟
گال : ومنو انت وشنو اجي وياك ، عندك شغلة احجيها وفضها ولا تضوجني !!
گتله : ياعيني شغلة مستعجلة لويش هالتكبر واذا انت موظف شنو يعني ميصير تخدم الناس مو هاي شغلتك ؟
عاد طلع ويايه للباب وشاف والدي واگف
والدي گله : بلا زحمة هذا العلم مال يا دولة ؟؟
الموظف ضحك وگله : شنو انت اعمى لو بيك شي ؟؟ هذا علم عراقك التعبان!!
والدي جر حسرة وشمر المعاملة بالگاع وطلع
والدي لواء ركن طيار و امر سرب طائرات الـ MIG العراقية انذاك وماكو حرب ما شارك بيها من اجل هذا العلم ، تالي يشوفه هيج ينهان ؟؟
(( موقف لا انساه ))انتو شتكولون هذا العلم مال اي دولة ؟؟؟