حچاية التنگال ٧٣

                                          

                         د.سعد العبيدي

من تگله الدولة بنيان ومثلها مثل كل بنيان، يمكن يّعَمرْ زَمن ويمكن يطيحْ، يگلك دِرووحْ اشلون تطيحْ.

ومن تگلهَ يا غشيم أقرهَ التاريخ، وإذا قريته زين راح تشوف يا ما حضارات سادت ثم بادت، ويا ما امبراطوريات ودول صعدت وبعدها طاحتْ، هم يرجع يسألك اشلونْ، لأن لو مابيه حَيلْ يقرهَ لو اذا قرهَ ما يفرزنْ.
أبويه انت تاج راسي، لمن وزير بالدولهَ العَلَيّهَ أول ما يجي يجيب كل الطاقم مالته وياه وبصدر القائمه ابنه لو ابن أخوه، ويلم اللگامه حواليه حتى إشيحچي يصيحون الله، ويمدون خشمهم بكلشي، ويبدي يصَدِرْ قرارات جديدهَ، ويلغي القرارات القديمهَ، على أساس هو وبس.
ولمن صار الوزير والمدير هم الواحد منهم يبدي من الصفر، على أساس الأخ صاحب نظرية، ويبدي يتدخل بالزَغَيرهَ والچبيرهَ، ويحقد على الموظف الـ يخالفه، ويكره المنتسب الما يماشيه.
ولمن البرلماني يطب للطيارهَ هو وحمايته بسلاحهم، وما يلتزم بتعليمات الدولة والمطارات الأمنية الي تمنع وجود سلاح لا بالمطار ولا بالطيارات.
ولمن يفوت المسؤول برتله العرمرم من نقطة سيطرة وما يوگف بيها واذا جندي لو شرطي مسكين يطلب منه يوگف، ينزلون حمايتهَ يهينوه وكل الموجودين.
ولمن من وكيل وزاره وفوگ يمشي بنص وزارته وداير ما دايرهَ فد ستة حمايهَ واذا وزير يمنعون أحد من الموظفين يمشي بالممر تقديساً وليس أمنياً.
ولمن يمر الرتل مالتهم بشارع مزدحم ويمشي عكس السير، ولمن الموظف يخاف يوقع كتاب وما يخاف ياخذ رشوه ولمن...ولمن شتسميها خراب لو عمار؟.
انت شتگول.
أگول هاي عَلامّهَ من علامات الساعه.         

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

874 زائر، ولايوجد أعضاء داخل الموقع