رسالة و أمانة سائق تاكسي!

التفاصيل

تم إنشاءه بتاريخ السبت, 08 تشرين1/أكتوير 2022 07:30

سلام عليكم عندي موقف اليوم صار وياي:

اني من بغداد اخذت عائلتي الى سليمانيه سياحة بسيارتي الخاصه يوم الاثنين اجيت سكنت احد فنادق في سرجنار واليوم الصبح عفت سيارتي واستأجرت تاكسي الى دوكان وصلت دوكان ساعه ٩ وتفاجأت بان محفظتي الشخصيه وفلوس بيها ١٢ ورقه وعراقي ٣٥٠ الاف داخل محفظه نسيته بتكسي واني مخلي رقمي بمحفضه ساعه ١٠ ونص اتصل رقم غريب رديت كال اني ابو تكسي وهاي محفظتك واني حاليا بجمجمال لكون بيتي هناك وهسه ارجع علمودك وانطيك الامانه وفعلا بعد ساعتين وصلني وسلمني المحفظه مابيها اي نقص ورفض ياخذ اي اكراميه او كروه
اسم سائق كاكا قادر ابو عبدلله من اهل جمجمال
احب اوجه كل شكر والامتنان الهذا شخص الاصيل بمعنى الكلمه
هذا الموقف الي صار ويايا والله يشهد على كلامي بس ما قبل اصوره
اتمنى تنشرون هذا موقف
وتحياتي الصفحتكم الكريمه
وبنفس الوقت اوجه التحية لشعبنا الكوردي الاصيل الي مستحيل يخون الامانة
شكرًا على أخلاقكم
المرسل / ابو زيد

----------------

الگاردينيا:بدورنا نشرنا الرسالة كما وصلتنا و كهيئة تحرير نوجه تحياتنا القلبية الى الأخ السائق كاكه قادر وهذا هو العراقي الأصيل و لله الحمد هنالك الكثيريون من امثاله في انحاء الوطن.. لو خليت قلبت و نشكر الله على كثرة الطيبين ..