من غير زعل - سوالف حُميدة أم اللبن!

التفاصيل

تم إنشاءه بتاريخ الخميس, 07 أيار 2020 18:03

أكو أمريه كلش حلوه عمرها بالاربعين اسمهه ( ورده ) توفه زوجهه وبقت لوحدهه وعدهه 3 بنات أعمارهم 15- 20- 22 سنة

اجاهه رجال من القريه بعمرها تقريبا گالهه خويه انتم ظليتوا الوحدكم بلا زلمه يوگف وياكم وهالتشوفيني آنه گدامج الحمد لله صحتي تمام بس اشوية فقير اذا توافقين تنطيني وحدة من البنات وآنه بخدمتكم وأصير والي الكم.. هم المريه راحت سولفت وي بناتهه ما رضن البنات يتزوجنه ،بعدين عرض على الأم الزواج وافقت الاماية

گعد وياهن بالبيت لاشغل ولا عمل بس اكل ونوم وهيه المره عدهه صخول كل فتره وگالهه خل نبيع 2 او 3 من الصخول نتصرف بيهن ،وره فتره هم گللهه نبيع من الصخول وهي تگله بكيفك
لما خلّص الصخول كلهن .. أخذله فتره گالهه اگلج شوفي البنات مايتزوجن خل نزوجهن ليش گاعدات قصده يأكل مهرهن .. !!
مرته هم سولفت وي بناتهه گلتلهن الزلمه يگول يتزوجن احسن ....البنت الچبيره نادره وفطنه گعدت بالباب وظلّت تنعه وتبچي ... وهاي گولتهه :

طلع سربوت يا ورده ولينه
گظه صخيلاتنه ويفتر علينه

هسه ولا الجماعه مابقّوا شي وصفّروا الميزانيه وراح يرجعون على رواتب المگاريد الموظفين والمتقاعدين لانهم الحلقه الاضعف والاسهل خو مو يروحون على الرواتب الخياليه والمخصصات والمنافع الاجتماعيه للرئاسات او النواب والمستشارين لو الرواتب المزدوجه لجماعتهم لو الرفحاويين ملاعين الوالدين لو ...لو ...لو...!!