من العصر لأبس أهدومه .....

التفاصيل

تم إنشاءه بتاريخ الإثنين, 03 أيلول/سبتمبر 2012 17:59

من العصر لأبس أهدومه

وووووووووووو.. وأكف بالباب

ينتظر جـيت الأطفال

أچ

واحد يتمشى وچـلبه

يرقص على الأوتار

فرح صاحبي و گـال آي هسه

يلتفتلي ونلعب لعب الأصحاب

لأن أحنا گـبل چنه أحباب

عبر الـچـلب وصاحبه

ولا همهم ها الواكف الحباب


بعده لابس أهدومه

وووووووووو... واكف بالباب

شاف ثلث بنات

يتسلقن الأشجار

گللهم

هلو

هاي ...

يمعودات

هلو ... هاي

نريد نلعب ما نكعد

نتضايف ونشرب الــچاي

جاوبنه

وط   وط
شتريد أمشي

كو ... كو

وطارن مثل الأوراق

عبالك شافن ذئب

لو ثعلب مكار

مو حبيبي حلو المعشر

وطيب الأنساب

بعد عنده أمل

وووووووووو.. وأكف عند الباب

يعاين على الحديقة

ويتخطى برصيفهم وموقف السيارات

مرت ساعة  ووووووووو...  ورآها ساعات

والشمس ترحل
تودع الأحباب

وشلون وحشة

ساعة المغربية علمفارك

الأوطان

وظل صاحبي يتأمل يفتحوله الباب

وعينه على رب السموات

صار المغرب

وضرب مدفع الإفطار

الأكل على السُفره

والتمرة يمه الأفواه

بس گلبي

وفكري عند صاحبي الحيران


نزلت التمرة وياها غصة

حزن تسحق العظام

أمه تـگـولي

أكل من هاي الخيرات

أفطر مو الجسد نحل

والتعب زاد

والعطش هلكنه

وهذا آب اللاهاب

ما تدري

الدمع تسرب من العين

نزل چوه مثل الشلال

أفطرت عليه وتخنكني العبرات


ها شو گـمت

ما كملت لكمتك

ولا كسرة الخبز

سحكتها الأسنان

ولا شربت

ها اللبنات

تعال

وليدي

كافي

مو حتى المجادي أخذوا الصدقات

وزفة الماجينة هناك انتهت

أنطوهم الدراهم

وطشوا عليهم المايات
وليدي

مو كافي

د تعال

من ألعن أبو الغربة وكل ها المتاهات

ولك مو فطرته لگلبي
 
 وكتلتني الحسرات


ولك لو تدري إلك عشيرة زلم ..

 وجهال

أعمامك وأخوالك ينتظرونك على الباب

چان ركضت

ورفست صحبة الغربه وها الغريبات

ولك والله أهلك بس يريدون بوسة هلوجنات  


ترك الباب

راح لغرفته وگعد  بالشباك

وعيونه تهل الدمع

ويمسحها بوسط الظلمة والبردات


ولـَـك وليدي

دكوم عاد
أي أسويت بيه اليوم

مو  فطرت الاوادم بكل الولايات

واني ما ضكت الزاد

ولا أكملت ها التمرات

ولك منين أجيبلك صدكانه

كلها غربه وما بيها خوانه

ربي رحمتك بهلاطفال

وين أروح بيهم

وأنكطعت كل الحبال

نام وليدي

وعينه على الباب

لابس أهدومه

ودمعته على الفراش


وثاني يوم

رجعت وهم

لگـيته


ووووووووووووأكف بالباب

ينتظر

ومحد لعب ويه

أمرك لله يا وليدي

وأشكيله اللي جرى وصار

عليك

وعلى كل أطفال العراق

تغربتم .......... تشردتم

وأنتم ولد الأخيار

چانت بيوتكم مضايف مفتوحه

ليل نهار

وهسه صفيتم غربه

تترجون اللعب

ويه الإغراب

يوميه على الحال

صيف وشتاء

حر وبرد وأمطار

لابس أهدومه

وبعده

ووووووووووووأكف على الباب

وبعده ............بعده

ووووووووووو ..... وأكـــــــف على الباب


ـ في يوم رمضاني أراد ولدي اللعب مع الأطفال في عالم الاغتراب وما لعب معه أحد منهم ودموعه تنزل وعيونه تسألني ليش أحنا غرباء ؟؟؟؟؟؟؟؟
أهديها إلى كل العراقيين المغتربين

ـ ملاحظة: أرجو المعذرة لبعض الأخطاء لأني أول مرة اكتب باللهجة العامية وأتمنى باني أكون وفقت بإيصال المشاعر والإحساس.
31 / 8 / 2012 م / الولايات المتحدة الأمريكية