الگاردينيا - مجلة ثقافية عامة - ثـنوه ابنياتچ ثـنوه

ثـنوه ابنياتچ ثـنوه

ميسون نعيم الرومي

ثـنوه ابنياتچ ثـنوه

اهديها الى المرأة العراقية بمناسبة عيد الأم

(ثنوه)* ابنياتچچ يا (ثنوه)-
ورد امفتح بيضه اوسمره
قـِدْوات اوبـيهـن نـِفـْخـَـر
-(مـَلـْكوك) السماهن عـَوْرَه
صوتچ عالي هـَـزّ الكون
-(اعراقيه) وانتِ الثوره
***
ليلو اويلمع،محله اعيون
اغزيله امضمـْرَه يالحلوه
نجمه اوتلمع يا محلاچ
بخدودچ شعـَّـت گـَمـْره
-(ثنوه) ابنياتچ يا (ثنوه)-
گلبچ يا (ثنوه) اشـكبره؟
***
امأصله الحلوه اتهزالگاع
إخـت الإخـوه يالنـمـْرَه
سـومر اهلچ وي آشور
تاريخ اليشهـَـد يالحرَّه
رادوا غصباً وايـذلوچ
درس انطيتيهم عـِـبـْرَه
***
ما تـتراجع بنت اأصول
سلطه اوتظلم بـَـرَّه بـَـرَّه
فالتحا ثـِـورة تشــريـن
ثـوره شـَـعبيه اوفـِـكـْره
-(ثنوه) ابنياتچ يا (ثنوه)-
بـيـچ الثـوره مـنـْـتصرَه
--------------
*(ثنوه)اسم والدة ايقونة تورة تشرين الشهيد صفاء السراي
الذي كان يحب ان ينادوه (ابن ثنوه)
لهما المجد والخلود
------------
21/آذار/2020
ســتوكهولم

الأبراج وتفسير الأحلام

المتواجدون حاليا

592 زائر، ولايوجد أعضاء داخل الموقع

تابعونا على الفيس بوك