الگاردينيا - مجلة ثقافية عامة - مشاهدات وتسميات من بغداد والعراق !!! سابقا واليوم !!

مشاهدات وتسميات من بغداد والعراق !!! سابقا واليوم !!

                                         

                           سيف الدين الألوسي

مشاهدات وتسميات من بغداد والعراق !!! سابقا واليوم !!

١- مطعم كباب سن الذبان السياحي !!! وهو بمساحة ٨ متر مربع ،،، والسياح من دول اوروبا والامريكيتين واليابان واستراليا ونيوزيلندا وجنوب افريقيا ،، لازمين سره على الكباب ، وخصوصا سائحات الدول الاسكندنافية يخربون على كباب سن الذبان وخصوصا بالريوك !! .
٢- دوشمجي السعادة !! على اساس اللي يدوشم عنده يبقى كاعد على القنفة خربان من الضحك والونسة والسعادة .
٣- صيدلية البقيع !!! والذي ياخذ دوه من عنده بوچهه للگبور .
٤- خياطة باريس !!! مجموع خبرات شانيل وايف سان لوران وجيڤينشي بالخياطة !!
٥- النسيم مول !!! وهو محل من طابقين يبيع مخضر ومعلبات !!!
٦- صالون ام العروسة !!!! يضيف للجمال جمالا !!!
٧- مستشفى الاقحوان !!! ادري مستشفى لو ملهى ليلي .
٨- دجاج الخارق !! سوبر مان الدجاج .
٩- شركة السماء الصافية للاستيراد والتصدير !! مبنية من الاسم نصب واحتيال !!
١٠- شركة اليوم السعيد المشرق للانشاءات والمقاولات !!! شركة ٥٦ ،، يصير يومه اسود اللي يتعاقد وياهم ،، يموت وشغله ميخلص !!!
١١- مطعم همبرغر وشاورما حمورابي !! للمأكولات!! ليش هو المطعم شيبيع ،، ؟؟؟
١٢- سنحاريب للصيرفة !!! صرافة لو بار !!!
١٣- أبن حيان للمواد الزراعية والاسمدة .
١٤- شركة البلبل الفتان للسفر والسياحة .
١٥- اسكافي المتنبي .
١٦- عوينات الهدهد .
١٧- باجة الخروف الضاحك .
١٨- شربت وعصير ديغول ابو الشربت !
ومن تلك النماذج علما ان الاسماء المختارة كلها مستعارة ولكنها قريبة للواقع اليوم !!
مع تحيات شركة بساط الريح لدفن الموتى السريع !!!!

الأبراج وتفسير الأحلام

المتواجدون حاليا

1099 زائر، ولايوجد أعضاء داخل الموقع