الگاردينيا - مجلة ثقافية عامة - أشياء تطير العقل من الزمن الاچقل !!!

أشياء تطير العقل من الزمن الاچقل !!!

                                              

                        سيف الدين الألوسي

    أشياء تطير العقل من الزمن الاچقل !!!

     

١- تمضيك بعض اللبنانيات واللبنانيين اليوم للاسف و بالتكلم بلغة عربية منغلة انكريزي ولكوني احب لبنان حبا جما ،، ،،،، من اشوف هل الشكولات يحچون چلمة عربي وچلمتين انكليزي ملزك ،، وبتعويج الحلك على اساس همه من سولت ليك سيتي لو من لنكولن نبراسكا ،،، مال اشيل .... واركعه بالتلفزيون ،،،،، مو چنتوا اوادم ومثقفين قبل اربعين سنة ، وعنوان للثقافة العربية ،، ليش صرتوا شوادي تالي وگت !!!!! نموذج : بدي باچه وذ اوت مييت اوف راس ، اند ويه كراعين وذ هيڤي سوب !! من عمت عينها لفد وحدة !!!
٢- رجال لو شاب لابخين وچهه المچولح ، دهن ابيض لو طين خاوه عند المزين ،،، وهو يباوع على المراية ممصدك بجماله ،،، ووراها حمام بخار وحف !!! واني گاعد انتظر ده ازين ،،،، وكل ساعة طالب شي ،، مرة شيللي هذا الشعر بالشمع لو هذي الحباية بلگت تسويلها چارة !!، وبعدين أزهك و اعوف المحل والزيان واطلع ادردم وافشر ويه نفسي مثل المخابيل ،،من هل طيحان الحظ !!! وكل حچايه وگالوا اهل المنصور وحچوا اهل المنصور وانا لم ارى بحياتي اي شاب او رجل من المنصور يحف لو يسوي حمام بخاري بعد بياض وجهه !! ولو اهل المنصور على وشك الانقراض !!!!
٣- رجل عمره سبعين سنة ،،، وگاعد يصبغ شعره اسود فاحم ويحف شواربه وحواجبه ،،، ويسوي حركات ويتحارش ببنية اصغر من بنته وبگد حفيدته !!!
٤- مره عمرها ٨٠ سنة وغادية بركونده وسكراب وكل قلاقيلها تخرخش ،،، گاعده تنفخ خدود وتشد وتتمقلج ومشنتره دتقلد رجاء الجداوي ،،، بابا عيب ،، كلشي بوكته حلو ،، ولكل عمر احترام !!!
٥- واحد ابوه واجداده افندية ،،، رجع يجامل الوكت ويلبس دشداشة ونعال لو يخللي عمامة على راسه على اساس هو من عائلة دينية !!!
٦- اغاني اللجوعر مال تالي وكت ،، وشكو واحد عطال بطال لو حواسم صاير مغني لو وحده معووج شاصيها صايره مغنية !!!!! الله يرحمك يا وديع الصافي ويا فريد الاطرش ويا سيد مكاوي ويا ام كلثوم ووردة وفيروز !!!!!
وهوا هوا گولت المغنية ام عيطة سميرة سعيد ،،، الكل رح تبوك هوه بهل وگت !!!
٧- العري المبالغ فيه في البرامج اللبنانية ،، وعرض اللحوم للغبيات من اجل الدعاية !!!!!
٨- تفاهات المسلسلات التركية والسورية وغيرها المساعدة على الغباء المستفحل !!!
٩- افلام القتل والاكشن ورامبوالاميركية والخيال العلمي وغيره ،، المملة جدا !!
وعاشت الافلام القديمة واهل زمان وموسيقاهم وفنانيهم ومطربيهم وعاش الشيف انطوان الورد !!!
تحياتي للجميع .

الأبراج وتفسير الأحلام

المتواجدون حاليا

286 زائر، ولايوجد أعضاء داخل الموقع