الگاردينيا - مجلة ثقافية عامة - اعـيون الشـَـذر

اعـيون الشـَـذر

ميسون نعيم الرومي


اعـيون الشـَـذر

بعيونـَـك الحلوه بـَحـَـر – واشـموس وانجوم اوگمر

واشـعار واعتاب اشكثر – مـَـظـفـوره بـسـنـيـن العمر

بطـّـل ولك بـس تجرح

هاك الرمش واتمرجح

رب الخلگ هم يصفح

اشتاگ الك وانت عمر – هـَـلبـَـت يجي طيفك يمر

يعيونك الحلوه بحر

***

اشـفايـفـَـك برحي العـَـسـَـل – واعيون متكحله ابخجل

لا تكتب اسمي إعـْلـَه الرمل – بالماي .. وايضيع الأمل

بدر العشگ شو ما كمل

والورد وابـروحي ذبـل

الدمع ع الخـَـد اوهـِـمـَل

إسأل ابگلبك يا حـلو – حـَـنيت لوناوي الهجـِـر

يعيونك الحلوه بحر

***

خزّامه وابروحي صرت – تيزاب وامرصع شذر

وانه ابهواك انظم شعر – دمي نشف مابي حـِـبـِـر

جـرح الگـَـلب ما يلتم

ينزف يظل ينضح دم

بالگلب ينگـِـد .. يلچم

بالماي ايدك يا ترف – واچفوفي يچويهه الجمر

روح ابطريقك .. لاتمر

راح العمر

---------

ســــــــتوكهولم

نوفمبر/ 2018

 

الأبراج وتفسير الأحلام

المتواجدون حاليا

712 زائر، ولايوجد أعضاء داخل الموقع