الگاردينيا - مجلة ثقافية عامة - تأملات / الحلقة الخامسة

تأملات / الحلقة الخامسة

                                                  

                        د.طلعت الخضيري

تأملات /ألحلقه الخامسة - متاعب ألسياره

مقدمه : في تسعينيات ألقرن ألماضي وخلال ألضائقه ألإقتصاديه كانت غالبيه ألسيارات من طراز قديم وكثرت مشاكلها ومصاريف إدامتها ، وتعبر القصيده عن هموم غالبيه مالكيها من ألطبقه ألمتوسطه وبفكاهه ومبالغه.
صارت عليه ألسياره بله
وياهه يلعب حضي كله
وبتصليحهه يوميه عندي عزه
وألي عوده عل ألمصلح ألملعون
__________
باليوم تطنكر جم مره
بشوارع ألمدينه لو بره
عبالك ضاملهه ليرات بالجره
هلسياره سوتني صدك مجنون
______
من وراها نظر ب جيبي أوتي
وصرت ضحيه لكل محتال ولوتي
وانحرمت من أكل ألتوتي فروتي
وبقيت محروم وللناس مديون
_____
تايراتها صارت أليوم ممسوحه
وللمسافات ألبعيده مابيهه روحه
وللناس هلسر ما أكدر أبوحه
وأتم أصرف عليهه وآني ممنون
______
بغداد 15-3-1994
تفسير ألكلمات _ ألتوتي فروتي كلمه إيطاليه تعني مجموع ألفواكه

الأبراج وتفسير الأحلام

المتواجدون حاليا

383 زائر، ولايوجد أعضاء داخل الموقع