ويـن الوَعـَـد؟؟

ميسون نعيم الرومي



 ويـن الوَعـَـد



 يـومـيـّه اسـبـوع اوبـاچـر – (لنـّـتـَه ابـذاكـر لنـّـتـَه ابـناكـر)-
تـوعـد وابـوعـدك شـاطـر – تـزبگ يـمعـوَّد ماهـر
أبوعـَـده اويـوفي الحـر
مليـت اومـَـگـدَر أصبـر
مابـيـّه أسـكـت وانـطـر
انـطر واتـنـَـطـّر صابـر – وانـتـَه اولاچـَـنـَّـك ذاكـر
يـومـيـّه اسـبـوع اوبـاچـر
لنـّـتـَه ابـذاكـر لنـّـتـَه ابـناكـر
***
راحـَت شـتـويـه ! جانـَه الصيـف – وعدك ردته .. مثل السيف
اتـأجـل وَعـدك مو بالكـيـف – ماتـتـأمن والله حـيـف !
تـتـأخر زايـد عَ الحـَـد
عـَـدينه اوضيعنه العـد
نـتـْـنـَطـَّر يـومـيه الرد
مـَليـنـَه امعـَوّد باچـر ! – كل يـوم اونسمع باچـر
لنـّـتـَه ابـذاكـر لنـّـتـَه ابـناكـر
***
يـوميـّه اتأجـل يـفـلان – چـَـنـَّـك ضيعـت العنوان
اشكال اعـذار اوألوان – مسمعنه حچيي الجيران...
تخـلص ليام اومـَـتـدوم
حچيي  الگلته ما مفهوم ؟
كـل يوم اوباچر واليوم
ما نگـدَر نـسـكـت كافي – والطبع البـيـنـَه ثـائـر
لنـّـتـَه ابـذاكـر لنـّـتـَه ابـناكـر
تـوعـد وابـوعـدك كافـر
يـومـيـّه اسـبـوع اوبـاچـر
----------------
ســـــتوكهولم
آب / 2017

الأبراج وتفسير الأحلام

المتواجدون حاليا

331 زائر، ولايوجد أعضاء داخل الموقع