الگاردينيا - مجلة ثقافية عامة - أشمالك يا وطن

أشمالك يا وطن

الهام زكي

أشمالك يا وطن

أشمالك يا وطن

 كلما تصبح زين

ونگول الله أشحلاتك

تنتابك الغصه

وتگلبها علينا غيوم

ما نعرف القصه

أتگول الوطن مسكون بالجن

وعفاريت التناگز

ولدم البشر تشتاگ وتحن

ولك يا التاريخ أنطينا مفكه

لا تعيد الصار و الصار

أو لا تعيد الضيم و أخبار

خلينا نسمع ضحكة المحروم

ونشم ورود فواحه

ليش يا وطن

أرضنا دوم للغازي مباحه

يتراكض مراكض عل البشر

وسيوفه ذباحه

جبناها من الصغر

نركض وره الخبزه

وگلوب التنوح

من الليل لصباحه

دنيتنا سوده مصخمه

ما أدري شجاهـا

ضاع الخير يا ناس

والشر عماهـا

بسك عاد يا وطن

تبوس چدم المعتدي

أو بيدك تشيل سلاحه

18 / 7 / 2016

الأبراج وتفسير الأحلام

المتواجدون حاليا

872 زائر، ولايوجد أعضاء داخل الموقع