جـسـر الـشـَــعـَـب


ميسون نعيم الرومي



جـسـر الـشـَــعـَـب

 
جـسـر الـشـَــعـَـب خـَـربـان بـالجـادريـه ـ بـالـخـشـَـب هـالـرگـمـوه شـوفـوْ الـبـليـَّـه
لـيـش الهـَـدم چا لـيـش؟
هـَـديـتـوْ حـلـو العـيـشْ
مايـك اوصار الگـيـش
رشـوَه اوفـَـسـاد اوبـوگ حـكـم الرديـَّـه ـ وَسـْـفـَـه العـراق الطاح وابـْهالهـِـبـيـَّـه
جـسـر الـشـَــعـَـب خـَـربـان بـالجـادريـه
***
جـسـر الحـَـديـد انـْـبـاگ بـاعـَـوْ اضلـوعـَـه ـ عـاش ابـظلام الـلـيـل طـَـفـَّـوْ اشموعَه
جـسـر الـحـَـديـد انـبـاگْ
مَـعـْـبـَـر اولـلعـشـاگ
والـشـوفـِـتـَـك مـشـتـاگْ
فـارغ مـِـچـانـَـك حـيـف يـابـو الـحـَـمـيـّـه ـ إعـْـطـَـيـفـيـّه تـبـچي الـيـوم والكاظميـّه
جــســر الأئـمـَـه ايـنـوح عَ الأعـَـظـَـمـيـّـه
***
جـسـر الـعـَـتـيـگ اومـود صارَن خـَـرايـب ـ صارَن اشـبـاح اطـلال مـن الطـَلايـبْ
مـَـتـروكـَـه كـلـهـَـه ازبـال
حـال اورثـَـه ابـهـالـحـال
يـومــّـه فـَـد مـَـوّال
بـَـس بـالـفـَـسـاد اســبـاع هـالألـچـَـغـيـّـه ـ رادَو عـراق الـخـيـر حـَـدر الـوطـيـّـه
جـسـر الـشـَــعـَـب خـَـربـان بـالجـادريـه ـ بـالـخـشـَـب هـالـرگـمـوه شـوفـوْ الـبـليـَّـه


*وصلتني صورة لرصيف جسر الجادرية رُصِف ثقب فيه بالخشب بد لا من اصلاحه
*جسر العتيگ :جسر الشهداء ... جسر مود:جسر الأحرار (الصالحية)
آذار / 2015
ســـــتوكهولم

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

900 زائر، ولايوجد أعضاء داخل الموقع