الگاردينيا - مجلة ثقافية عامة - إبـْـسـَــنـة الجـديـــدَه

إبـْـسـَــنـة الجـديـــدَه


ميسون نعـيم الرومي



إبـْـسـَــنـة الجـديـــدَه

إبـْـسـَــنـة الجـديـدَه خـَـلـْـنـَـه نـتـفـائــَـلْ
اشـوَيـَّـه امـن الفـَـرَح يادنـيـه نـِـسـتـاهـِـل
 
كـل وَكـتـَـه العـُـمـر دَمـْعـَـتــْـنـَـه فـوگ الخـَـدْ
نـتـْـرَجـَّـه القـَـدَر والقـَـدَر مـو عـادِل
 
اشـگـَـد احـروب مـَـرَّت دَم چـثـيـر اوسـال
ليـش الكـَـتـِـل هـذا الشـَـعـَـب يـسـتـاهـِـل؟
 
حـكـّام إحـكـمـَـت للبـَـلـَـد مـن ازمـان
تـِـطـيـع الأجـنـَـبـي واويـاه تـتـعـامـَـل
 
دكـتـاتـور يـحـكـُـم والوَراه انـْـگـَـس
بـعـراقـي الحـكـُـم هالدومـَـه خـو شـامـِـل
 
مـَـظـلوم العـِـراق اوشـَـعـْـبـَـه هـَـم مـَـضيـوم
أحـْـزاب اوتـقـودَه تـحـچـي واتـجـادل
 
مـامـش نـَـفـع هـالبـيـهـَـه بـَـس اللسـان
فـَـرقـَـتـنـَـه شـُعـَـب تـتـنـاحـَـر اتـكـاتـِـل
 
تـوجـَـعـنـَـه الحـَـقـيـقـَـه انـريـد بـَـس نـحـْـلـَـم
نـتــْـحـَـدَّه الأمـَـل واويـاه نـتـمـاطـَـل
 
عـام اخمـسـطـَـعـَـش عـام الكـَـرَم والجـود
كـون اويـه الشـَـعـَـب بـالخـيـر يـتـفـاعـَـل
 
بـبـلادي شـَـمـِـس تـشـرق تـَـراهـَـه انـجـوم
بـَـغـــداد العـِـلم مـابـيـهـَـه كـل جـاهـــــل
 
نـبـْـنـيـه العـِـراق ايـصيـر مـثـل ادْبـَـي
تـتـكـاتـَـف حـكـومـَـه اوشـَـعـَـب والعـامـلْ
 
ثـَـورَه بـالبـَـلـَـد ثـَـورَه صنـاعـيـه
ثـَـورَه بالزراعـَـه اوبـالعـِـلم كـامـل
 
نـطـرد كـل دَخـيـل انـحـاكـم السـراق
انـقـاضي كـل عـَـمـيـل اوفـاسـد واسـافـل
 
انـرَجـّـع للبـَـلـَـد ثـروات مـَـنـهـوبـَـه
تـكـفـل كـل يـَـتـيـم اوأرمـَـلـَـه اوعـاطـل
 
تـعـليـم الطـفـل تـَـعـلـيـم إجـبـاري
حـَـقــَّـه عَ البـَـلـَـد مـَـضمـون مـتـكـافـِـل
 
يـرجـَـع للوَطـَـن كـل مـغـتـرب مـَـحـروم
يـلـتـَم الشـَـمـِـل للعـالـِـم اوعـاقـِـل
 
جـَـنـَّـــة عـَـدن يانـاس دولـتـنـَــــه
آشــــور يـشـهـَـد ســــومـَـر اوبـابـل
 
إبـْـسـَــنـة الجـديـدَه خـَـلـْـنـَـه نـتـفـائــَـلْ
اشـوَيـَّـه امـن الفـَـرَح يادنـيـه نـِـسـتـاهـِـل


كانون الثاني / 2015
ســــــــــتوكهولم

الگاردينيا:الشاعرة المتألقة / ميسون .....

الأبراج وتفسير الأحلام

المتواجدون حاليا

821 زائر، ولايوجد أعضاء داخل الموقع