الگاردينيا - مجلة ثقافية عامة - يالرايــدْ اتـروحْ الهـَـلـَـــكْ

يالرايــدْ اتـروحْ الهـَـلـَـــكْ

 

ميسون نعيم الرّومي

 يالرايــدْ اتـروحْ الهـَـلـَـــكْ
بـيـهـَـه البـَـلاوي اچـثـيـرَه
 
ماأدري والله اشـَـأنـصَـحَـكْ
تـَـعـَـبْ اومَـذَلـَّـه اوحـيـرَه
 
بـَـغـدادنـَـه الچـانـَـتْ حـلمْ
فـَـرْكـشـَـوْ بـيـهـَـه الجـيـرَه
 
أصْـحـابـْـنـَـه كـلـهَـه إرْحــلـَـتْ
ضـَـلْ الوَطـَــنْ لـمْـطـيـــــــرَه
 
بـَـغــــدادْ ويـَـلي اتــْـرَيـفـَـتْ
ماكـــوْ حـِـضارَه اتــْـنـيــرَه
 
الحِــــزنْ هـودَرْ بالبـَـلـَــــدْ
مـاتــَـتْ حَـسـافـَـه الغـيـــرَه
 
الـلـيـَـلْ طـَــوَّلْ مارحـَــلْ
الضـيَــمْ صارْ اضفـيــرَه
 
بَـغـــدادْ نـَـخـلـَـه هالحـزَنْ
غــَـرَّگْ ابْـدَمْـعَـه الديـــرَه
 
دجْـلـَـتـْـنـَـه حـِـمْـلـَـه هالثـگـَـلْ
مَـدْفـونـَـــه بـيــه الخـيــــــرَه
 
يـالـرايــدْ اتـروحْ الهـَـلـَـــــكْ
فـَـرْحـَة أهَـلـْـنـَـه اگـْـصـيـرَه
 


يـالـرايــدْ اتـروحْ الوَطـَــنْ
چـَـلـْـچـِـلـَـتْ بـيـه الغِـرْبـانْ
 
تـَـفـجـيـرْ وادْمـومْ اشـكـثـرْ
والشـَـعـَـبْ كـلـّـشْ تـَـعْـبـانْ
 
الجـوعْ وامـراضْ اوفـگـــرْ
افـلوسْ النـَـفـط ْ بـالشـكـبـانْ
 
إنـْـذَلـَّـتْ اعـْـزازْ الزلــــمْ
مـوتْ اوحـِـصَـد بالشـبّـانْ
 
احْـكـومـَـتـْـنـَـه تـنـفـخْ بالچـذبْ
اوداعـشْ وصَـلْ لـلـبـيـبـــــــانْ
 
الوَطـَـنْ شــو قـســمْ اوقـســـــمْ
والخِـطـَّـه چـَـنـهَـه امـنْ ازمـانْ
 
راحْ الوَطـَـــنْ كـلـَّـه الوَطـَــنْ
الســــاسْ وَيـَّـــه الـبـنـيــــــانْ
 
إيـصـيــرْ لبـْـلادي وادِگْ
فـيـزَة وَطـَـنْ عدْ سـَـجـانْ ؟
 
يـالـرايـــدْ اتـــردْ لـلوَطـَــــنْ
فـيـزِتـَـكْ عـِـدْ لـَـ ( امـْريـكـانْ)
 
اغـْـرابْ الخـَـرايـِـبْ نـغــَگْ
هَــدمْ اوفـگـــرْ تـَـبـشـيــــرَه
 
يـالـرايــدْ اتـروحْ الهـَـلـَـكْ
بـيـهـَـه البـَـلاوي اچـثـيـرَه


اكتوبـــر / 2014
ســــــــتوكهولم
 

 

الأبراج وتفسير الأحلام

المتواجدون حاليا

470 زائر، ولايوجد أعضاء داخل الموقع