الگاردينيا - مجلة ثقافية عامة - اشْـدَعْـوَه مسْـتَـعجلْ؟؟

اشْـدَعْـوَه مسْـتَـعجلْ؟؟

 

ميسون نعيم الرّومي

اشْـدَعْـوَه مسْـتَـعجلْ حَسيَتْ
راحْ الوَكـــتْ ما بَگـيَـتْ
شـاطرْ اشْـلونْ إنْـغَـشيَـتْ
واشـعَـلمَـكْ عَ الياريَـتْ
يا حلوْ گـلـّي اشْسَـويَـتْ
يا أحْـلـَه مـن الچكـليَـتْ
كـلـّـشْ اهْـوايَـه سَـويـتْ
كـلشي احْـرَگِتْ ما بَقيَتْ
لانـَـدَمْ يـنـْـفَـعْ لا ويَـــلْ
راحْ الوَكـتْ وانْسَـليَـتْ
******
بَعَـدْ وَكـتْ يا مَسْــكيـنْ
مَحْـزونْ گـَـلبَـكْ ليويَـنْ
سَگفْ اويخـرْ من اسنينْ
بـيَـتْ البنيـتَـه مـن طيـنْ
ناخرتَه الأرضه امن الساسْ
مَصْبـوغْ كلـَّـه تَـلويــــنْ
يـعْـزفْ ربابَـه ايـدگْ ناي
إيـلـَحنْ وايجـيـدْ التـَـلحينْ
هـذا الجـرَه اوهـذا الصارْ
يا حـلوْ ليَـشْ التَـفْـطيـنْ
*******
بَعَـدْ وَكـتْ مـن حَـسيَـتْ
ما يـوگـَـعْ إلا الشـطارْ
محْـتالْ گالـَــوْ هالجـارْ
مـو بَـسْ لعـبْ گالـَـوْ كارْ
گـالْ ابْـتعـــدْ لا تـحْـتـارْ
ما سـمَعْ حچي المُخْـتارْ
إمْشـي گـُــبَـلْ لا تـنْـدارْ
بالـَـكْ تآمـنْ مِـنْـشـــارْ
لاتـنْدَمْ اعْـله اللي صارْ
إمسَـحْ مَسـحْ كل تذكارْ
بَـعَـدْ وَكـتْ مـن حَـسيَـتْ
راحْ الوَكـــتْ ما بَگـيَـتْ

تموز / 2014
ســـــــــــتوكهولم

 

الأبراج وتفسير الأحلام

المتواجدون حاليا

427 زائر، ولايوجد أعضاء داخل الموقع