فتّاح فال ...مايعّدلها

 

  

 

فتّاح ألفال : فتّاح فال ....عدّاد نجم ....فّوال

أبو فنجان: يول  عليوي أركض صيحلي فتّاح ألفال....أجه وجابه ألله

فتّاح ألفال : سلامون عليكم ........شنو رايديني

أبو فنجان : أي والله مولانا ....عندي وليد هالواحد ويريد يهج لكندا ويگول ماكو جارة من ورا هالبلد واني گلبي ماينطيني ....هنا هناك هالمهجومة كندا ...تالي ألدنيا بشبر ويگولون مو سهلة العيشة هناك تخوض خوض بالثلج وشنو ألقچغچية يترنمون علينا بالفلوس

فتّاح ألفال : حنفوش ...حنفوش ...أحضر حالاَ....شغلة عويصة ومليوصة

أبو فنجان  : منو حنفوش مولانا؟؟

فتّاح ألفال : چبيرهم ملك ألجن ...هذا اللي يگدر على شغلة ابنك ...بس كون يرضى بالنياز

أبو فنجان : نياز شنو رحمة لااهلك؟؟؟

 فتّاح ألفال : نياز يعني فلوس ....شنو نشتغل ببلاش ...وراية كومة جن تگول فيلق ...مصرفهم يكسر ألظهر ....ونصهم يشربون جگاير ...ورجليهم ماخذة على ألريسسز

أبو فنجان  : صار مولانا ...تدلل أنت وحنفوش بالنياز ...بس فضنا

فتّاح ألفال : لازم أتجيب ديچ أحول ويتيم ...وشقندحي وأخو خيته ...وتوگف على مسناية ألكاظم ...لا هية عصرية ...لا هية صبحية ....لا هية شتوية ....لا هية صيفية ...وتشمر الديچ من فوك ألجسر

أبو فنجان : أذا على شمرة ديچ وتفض هاي سهلة

فتّاح ألفال  : وهذا حجاب تنگعه وتشرب مايه بس لايشوفك احد ...غطوني دأكتب ألحجاب ....حنفوش حنفوش كافي أستكانة جاي وياها بسكوت ...هاك الحجاب

أبو فنجان : صدك ويسويها حرفوش

فتّاح ألفال  : حنفوش مو حرفوش ...هذولة ولد عم وبينهم عداوة وثار ..بس تغلط بأسمه مرة لخ  يگلب عليك ألشغلة ...تلگه روحك بكندا وأبنك يبقى هنا....حنفوش حنفوش ...رايدين منك تبني جسر من بغداد لكندا

حنفوش -: حييييييييل ....دأطلبو شغلة تنعقل ملاعين ألوالدين

أبو فنجان : حقه والله حنفوش ....زين بلكت يكدر يعدل امور البلد ويبقى وليدي يمي

حنفوش:  شنو؟؟؟......شيعّدلها؟؟؟ ......عمي تردون ألجسر سايد واحد لو سايدين؟؟؟

 

 

 

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

808 زائر، ولايوجد أعضاء داخل الموقع