الگاردينيا - مجلة ثقافية عامة - بقايا رذاذ من الزمن الجميل

بقايا رذاذ من الزمن الجميل

                  

عبيس جندي عراقي فرار(هارب) من الحيش بوكت صدام والمنطقه كله تعرفه فرار .انطوا عفو عام وامه والناس نصحوه يلتحق احسن ما يعدمه صدام ، والتحق عبيس للجيش وراح للنهضه حتى يلتحق بوحدته بالبصره .

         

بالنهضه گعد يم ام الگيمر والجاي واكل 13 لفة و 7 استكانات ﻻن ام الگيمر حلوه وكل ما تناوشه لفه لو چاي يلزمه من ايدها ،، اخوها يمه يبيع لبن ويراقب عبيس صار عصبي وهفه بتوثيه على راسه وسبحه بدمه ونقلوه للمستشفى وارتجاج بالمخ وره ثلاثة ايام گعد عبيس وگلهم اني وين؟؟؟ .. وحجوله القصه .

طلع من المستشفى وراسه مشدود وبدلته متروسه دم وتلگته المنطقه كله والجهال ركضوا ﻻمه يبشرونه عبيس متصوب(جريح)وامه تهلهل والناس تبوس بيه ﻻنه بطل ،،جيرانهم رفيق حزبي قنقينه يلح عليه شلون انجرحت؟؟ .

گلهم وصلت لساحة سعد ولگيت الطيارات مسويه الجنود لحم واخذتني الغيره من انضرب ابو الرباعيه وجان اگعد بمكانه واطيح نص الطيارات بس خلصت عتاد وواحد من الطيارين شافني وجان ينزل علي بطيارته وگف فوگ راسي وچان ينزل الجامه مال الطياره ويهفني بتوثيه ومالگيت نفسي اﻻ بمستشفى الكندي ..

قصة عبيس مثل حكومتنه وبرلمانه وسادتنه وشيوخنا وسياسينا ياهو اللي تلزمه بطل ومصلح ووطني وگلبه على الشعب..البلد شطيح حظه غير عبيس ؟؟؟

إذاعة وتلفزيون‏



الأبراج وتفسير الأحلام

المتواجدون حاليا

881 زائر، ولايوجد أعضاء داخل الموقع