مشكوله يسمر ذمتك

ميسون نعيم الرومي


مشكوله يسمر ذمتك

مشكوله يسمر ذمتك
ما مبري كلك مديون

لليل نجمات اوضوت
محلاهه ضحكة لعيون

والگذله منثوره ذهب
بالورد خده اومعجون

تتمايـل ابمشــيك غـنج
مايع رطب من كل لون

وياك لسوالف عشــگ
تمشي اوتصد يالمزيون

هجرك ولك طفـَّه الشمس
والگمـر اظلم بالكـــون

چـذاب دومك چـذاب
والگلـب منـك محـزون

الدمع مايوم اونشــف
جمرات تلهب لجفون

مليت يســمر عشرتك
وياك عشـرتنـه اتهون

مشـكوله يسـمر ذمتك
ما مبري كلك مديـون
-----------------
13 / آب / 2018
ســــــــــتوكهولم

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

764 زائر، ولايوجد أعضاء داخل الموقع